Башҡортостан Башлығы легендар композитор Рим Хәсәновты юбилейы менән ҡотланы
30 ноябрҙә «Башҡортостан» дәүләт концерт залында легендар башҡорт композиторы, Башҡортостандың халыҡ артисы, Өфөнөң почетлы гражданы Рим Хәсәновты юбилейы менән тәбрикләнеләр. Башҡорт эстрадаһы мэтрын ҡотларға Башҡортостан Башлығы Радий Хәбиров та килде.
— Хөрмәтле Рим Мәхмүт улы, ҡәҙерле дуҫтар, мин бөгөн һоҡланғыс юбилей кисәһенә килмәй ҡала алманым. Маэстробыҙға, халҡыбыҙҙың бөйөк улына ҙур рәхмәт әйтергә тейешбеҙ. Беҙҙең быуын «Ҡышҡы романс», «Өфө йүкәләре», «Юҡҡа түгел» йырҙарында тәрбиәләнде. Миңә бүләк иткән флешкағыҙ өсөн бик рәхмәтлемен. Ижадығыҙ бөгөн бар республиканы берләштерә. Һеҙҙе ихлас күңелдән юбилейығыҙ менән ҡотлайым!
Радий Хәбиров юбилярға картина бүләк итте һәм композиторҙың да тыуған еренең, тәбиғәтенең, халыҡтың гүзәллегенә дан йырлауын билдәләне.
Үҙ сиратында, Рим Хәсәнов республика етәксеһенә рәхмәт һүҙҙәрен әйтте.
Рим Мәхмүт улы Хәсәновтың исеме республикала ғына түгел, тотош Рәсәйҙә билдәле. Ул — романстар, симфоник, театр, камера-инструменталь һәм хор әҫәрҙәре авторы, театр, радио, телевидение һәм кино өсөн музыка ижад итә. Композитор Австралияла, Финляндияла һәм башҡа илдәрҙә эшләне. Уның иҫ киткес моңло йырҙарында республикала тотош быуындар үҫеп сыҡты.
«Мәңгелек романс» юбилей программаһы мәҙәниәт министры, Башҡортостандың атҡаҙанған артисы Әминә Шафиҡованың, Башҡортостандың халыҡ артисы Артур Нәзиуллиндың һәм Милли симфоник оркестр музыканттарының сығышы менән асылды. Улар лиризм менән һуғарылған «Мөхәббәт» музыкаль композицияһын уйнап ишеттерҙе.
Концерт өсөн маэстроның репертуарынан иң популяр йырҙар һайлап алынғайны. Кисәлә башҡорт һәм татар эстрадаһы йондоҙҙары: Башҡортостан Республикаһының халыҡ артистары Гөлсәсәк Шәрипова, Иҙрис Ғәзиев, Айгөл Һағынбаева, Рәсүл Ҡарабулатов, Нәзифә Ҡадирова, Азамат Тимеров, Әлфиә Юлсурина, Фәдис Ғәниев, Артур Нәзиуллин, Илшат Мөслимов, Башҡортостан Республикаһының атҡаҙанған артистары Альберт Салауатов, Дияна Ишниязова, Заһир Иҫәнсурин, Гөлсөм Бикбулатова, Алмас Хөсәйенов, Рәфис һәм Алмас Сирусиндар, Әлим Ҡәйүмов, Альберт Яҡупов һәм Өфөнөң «Мираҫ» йыр һәм бейеү ансамбле сығыш яһаны.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.