«Мираҫ» ансамбле Ырымбур өлкәһенән гастролдәрҙән ҡайтты
21 ноябрҙән 27-һенә тиклем Өфөнөң «Мираҫ» йыр һәм бейеү ансамбле Ырымбур өлкәһендә концерттар менән сығыш яһаны. Ырымбур, Орск, Медногорск, Татар Ҡарғалыһы, Һарыҡташ, Александровка һәм Плешаново тамашасыларына башҡорт коллективының үҙенсәлекле программаһы күрһәтелде.
«Мираҫ» икенсе тапҡыр Ырымбур өлкәһендә гастролдә булып ҡайтты, — тип белдерҙеләр коллективтың матбуғат хеҙмәтендә. — Ул саҡта концертҡа башҡа ауылдарҙан да килгәйнеләр. Был юлы концерттар тағы ла ҙурыраҡ уңыш һәм аншлаг менән үтте. Зал дәртле ҡурай моңона бейергә төштө, сағыу, онотолмаҫлыҡ арала ҡатнашыу мөмкинлеге өсөн аяғүрә баҫып алҡышланы».
Артистар тамашасыларҙы бейеүҙәр, ҡурай һәм ҡыл-ҡумыҙ моңо, төрлө халыҡтарҙың йырҙары менән хайран ҡалдырҙы. Коллектив программаһында «Сатыр эргәһендә», «Йыуаса» башҡорт вокал-хореография композициялары, «Оҫта ҡуллы ҡыҙҙар», «Маршрут» бейеүҙәре, «Байыҡ», «Ишбирҙе ҡасҡын», «Ҡурай бәйете» халыҡ йырҙары бар ине. Татар («Өлгөр», «Төймә», «Гармун»), казак («Матушка Россия», «Раз вечор»), үзбәк («Санамгина») халыҡ ижады темаларына композициялар ҙур уңыш ҡаҙанды. «Мираҫ» тамашасыларҙы башҡа милләттәрҙең ижады менән таныштырҙы. Юнир Һағынбаев ҡурайҙа заманса көйҙәргә попурри уйнап ишеттерҙе.
«Бик шәп булды! Бөтә хис-тойғоларҙы әйтеп бөтөрөрлөк түгел! Барыһы ла бик матур: костюмдар ҙа, артистар ҙа... «Мираҫ» беҙҙең кәйефте күтәрҙе, тамашасылар бик күп ине. Ҙур рәхмәт», — тине Ырымбур өлкәһендә йәшәүсе Ләйсән Бикйәнова концерттан һуң.
«Мираҫ» ансамбленең киләһе концерттары 2023 йылдың февралендә була.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.