Быйыл февраль айында ҡапыл вафат булған композитор һәм баянсы Илшат Яхин йыл композиторы тип иғлан ителде. «ЮлдашХит-2022» башҡорт эстрадаһы фестивалендә уға ошондай исем бирҙеләр.
Өфөлә, «Башҡортостан» дәүләт концерт залында, «ЮлдашХит-2022» фестиваленең финалы уҙҙы. Концертта хит-парадта ҡатнашыусылар сығыш яһаны. Тамашасылар һөйөүен Иҙел Нурғәлин яуланы, ул шулай уҡ «Юлдаш» радиоһының халыҡ артисы тип танылды.