Башҡортостан һәм Өфө яңылыҡтары
61.07
+0.32
63.39
+0.09
83.32
+0.29
-15 °C
Болотло
Бөтә яңылыҡтар
Мәҙәниәт
1 Ноябрь , 10:53

Фәйзи Ғәскәров исемендәге халыҡ бейеүҙәре ансамбле Удмуртияға гастролдәргә юллана

8-11 ноябрҙә Фәйзи Ғәскәров исемендәге дәүләт академия халыҡ бейеүҙәре ансамбленең Удмурт Республикаһында «Ҙур гастролдәре» ойошторола. Концерттар Рәсәй Мәҙәниәт министрлығының Бөтөн Рәсәй гастроль-концерт планына ярашлы «Беҙ – Рәсәй» федераль программаһы сиктәрендә үткәрелә.

Программала башҡорт хореографияһы классикаһы: «Зарифа», «Ете ҡыҙ», «Гөлнәзирә» бейеүҙәре һәм ансамбль репертуарынан башҡа бейеүҙәр тәҡдим ителә. Ғәскәровсылар Рәсәй халыҡтары: татар, ҡалмыҡ, алтай, мордва, рус бейеүҙәрен дә башҡара, тип хәбәр итә коллективтың матбуғат хеҙмәте.

Ансамблде 1939 йылда хореографияның бөйөк мэтры Игорь Моисеевтың уҡыусыһы Фәйзи Ғәскәров ойошторған. Ошо 82 йыл эсендә артистар 60 илдә булған, донъя аренаһында милли мәҙәниәтебеҙҙе һәм сәнғәтебеҙҙе лайыҡлы күрһәткән. Ансамбль ЮНЕСКО-ның «Биш ҡитға» алтын миҙалы һәм «Донъя илсеһе» дипломы менән бүләкләнгән.

Башҡорт дәүләт бейеү ансамбле – Рәсәйҙең төп профессиональ бейеү коллективтарының береһе. Бөгөн коллектив Башҡортостан хореография ижадының визит карточкаһы булып тора. Ансаблдең  һәр концерты – боронғо башҡорт легендалары мөхитен, боронғо лирик эпостарҙың иҫ киткес образдарын тыуҙырған һоҡланғыс тамаша.

https://www.bashinform.ru/news/culture/2022-11-01/ansambl-narodnogo-tantsa-imeni-fayzi-gaskarova-vyezzhaet-s-bolshimi-gastrolyami-v-udmurtiyu-3011269

Автор:Ләйлә Аралбаева
Читайте нас в