Мәҙәниәт һәм сәнғәт идаралығының элекке етәксеһе — Өфө сәнғәт училищеһы директоры

Өфө мәҙәниәт идаралығының элекке етәксеһе Шамил Абдраҡов хәҙер Өфө сәнғәт училищеһы (колледжы) директоры вазифаһын башҡара. Хәтерегеҙгә төшөрәбеҙ, Шамил Абдраҡов быйыл 22 июлдә 2019 йылдың мартынан алып биләгән вазифаһын ҡалдырҙы.

Шамил Абдраҡов 1980 йылда Мәләүездә тыуған. Салауат музыка училищеһын, Өфө дәүләт сәнғәт академияһын тамамлаған.

Башҡортостан дәүләт хеҙмәте һәм идара итеү академияһында «юриспруденция» һөнәренә уҡыған. Хеҙмәт эшмәкәрлеген 2004 йылда Мәләүез хакимиәтенең мәҙәниәт бүлегендә белгес булып башлаған. Ошонда уҡ йәштәр эштәре комитеты, мәҙәниәт бүлеге етәксеһе вазифаһын биләгән. 2012 йылда Салауат музыка колледжы директоры итеп тәғәйенләнгән.

2013 йылдан Башҡортостандың мәҙәниәт министры урынбаҫары булып эшләне. Өфө сәнғәт училищеһының элекке директоры Лидия Воробьева хәҙер баш ҡаланың Камаев исемендәге 2-се балалар музыка мәктәбендә етәксе.

https://www.bashinform.ru/news/culture/2022-10-28/eks-nachalnik-upravleniya-po-kulture-i-iskusstvu-vozglavil-ufimskoe-uchilische-iskusstv-3008129