Башҡортостанда махсус хәрби операцияла ҡатнашырға әҙерләнгән яугирҙәр алдында сығыш яһау өсөн агитбригадалар ойошторорға кәрәк. Радий Хәбиров республика хөкүмәтенең оператив кәңәшмәһендә мәҙәниәт министры Әминә Шафиҡоваға ошондай бурыс йөкмәтте.
– Агитбригадалар ойоштороуығыҙҙы һорайым. Мин егеттәр менән һөйләштем, улар тыңларға ваҡытыбыҙ бар, һағынабыҙ, тинеләр. Шуға күрә яҡташтарыбыҙ күп булған һәр урында был айҙа ике тапҡыр сығыш яһарға кәрәк, – тине республика Башлығы. – Ҡайһы бер артистар үҙҙәре миңнең менән бәйләнешкә сығып, ярҙам күрһәтергә теләк белдерҙе.
Республика етәксеһе агитбригадаларҙың сығыштары графигын бөгөн үк төҙөргә ҡушты.