92.51
-0.79
Башҡортостан һәм Өфө яңылыҡтары
98.91
-0.65
88
+0.1
13+ °C
Болотло
Бөтә яңылыҡтар
Мәҙәниәт
16 Сентябрь 2022, 12:37
Бөйөк башҡорт шағиры Мостай Кәримдең шиғырҙары ҡумыҡ телендә донъя күрҙе
Махачкала ҡалаһының «Формат» типографияһында 700 дана тираж менән бөйөк башҡорт шағиры Мостай Кәримдең ҡумыҡ телендә «Гёнгюм - йырда...» («Күңелем — йырҙа…») тигән шиғырҙар йыйынтығы баҫылып сыҡты. Был хаҡта «Башинформ»ға ғалим Әхәт Сәлихов хәбәр итте.
Мостай Кәримдең шиғырҙарын башҡортсанан ҡумыҡ теленә Дағстан шағиры һәм журналисы, Рәсәй Журналистар һәм Рәсәй яҙыусылары союздары ағзаһы Баһауетдин Самадов тәржемә иткән. Әлеге ваҡытта ул — Дағстандың Карабудахкент районы хакимиәтенең матбуғат хеҙмәте бүлеге етәксеһе.
Әйткәндәй, Мостай Кәримдең шиғырҙары шулай уҡ төп нөсхәлә һәм рус теленә тәржемәлә бирелгән. Баш һүҙҙе Агарагим Солтанморатов, Әхәт Сәлихов, Гөлназ Ҡотоева һәм Григорий Адаров яҙған.
«Баһауетдин Самадов — әлегә Дағстандан башҡорт шағиры Мостай Кәримдең шиғырҙарын ҡумыҡ теленә тәржемәләгән берҙән-бер шағир. Уҙған быуаттың 70-се йылдарында ғына бөйөк шағирыбыҙ Рәсүл Ғамзатов Мостай Кәримдең шиғырҙарын авар теленә тәржемә иткәйне, унан һуң Дағстан шағирҙарының береһе лә уның шиғырҙарын тәржемәләүгә тотонманы. Мостай Кәрим менән Рәсүл Ғамзатов бик яҡын дуҫтар , таылған шағирҙар ине. Йәш ҡумыҡ шағиры, тәржемәсе Баһауетдин Самадов нәфис тәржемәләре менән күп милләтле илебеҙҙең әҙәбиәт-ара бәйләнештәрен үҫтереү һәм нығытыу эшенә үҙ өлөшөн индерә тип өмөтләнәбеҙ», — тип билдәләнә журналист һәм шағир Баһауетдин Самадовтың яңы китабының инеш һүҙендә.
«2019 йылдың көҙөндә Өфөлә «Алтын ҡурай» халыҡ-ара журналистар конкура еңеү яуланым. Был конкурста сәхнәлә бөйөк Мостай Кәримде ҡумыҡ теленә тәржемә итергә тырышырмын тип әйткәйнем. Хәҙер был проект тормошҡа ашырылды, ҡумыҡ һәм башҡорт халҡы үҙ баһаһын бирһен», — ти тәржемә авторы.
Баһауетдин Самадов — тағы өс шиғырҙар йыйынтығы авторы, уларҙың ҡайһы берҙәре рус, башҡорт, азербайжан, балҡар, төрөк, яҡут, үзбәк һәм башҡа телдәргә тәржемә ителгән.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».