77.89
0
Башҡортостан һәм Өфө яңылыҡтары
91.12
0
70.69
+2.05
20+ °C
Ясна
Бөтә яңылыҡтар
Мәҙәниәт
14 Сентябрь 2022, 13:03
Республикала Таңсулпан Ғарипованың әҫәрҙәре буйынса сериал төшөрөлә һәм спектаклдәр сәхнәләштерелә
«Торатау» конгресс-холында Башҡортостан Республикаһының халыҡ яҙыусыһы Таңсулпан Ғарипованың милли әҙәбиәтте һәм мәҙәниәтте үҫтереүгә индергән өлөшөнә арналған Бөтөн Рәсәй ғилми-ғәмәли конференция үтте. Таңсулпан Ғарипова — күренекле прозаик, драматург, Башҡортостандың халыҡ яҙыусыһы, Салауат Юлаев исемендәге дәүләт премияһы лауреаты, Башҡортостандың атҡаҙанған мәҙәниәт хеҙмәткәре, әүҙем йәмәғәт эшмәкәре.
«Таңсулпан Ғарипова — ысын халыҡ яҙыусыһы, уҡыусыларҙың һөйөүе һәм ихтирамы быны дәлилләй, — тип билдәләне Башҡортостан Республикаһы хөкүмәте премьер-министрының беренсе урынбаҫары Азат Бадранов. — Белеүегеҙсә, «Бөйрәкәй» романы хәҙерге башҡорт әҙәбитендә иң уҡымлы әҫәр булып тора. Әлбиттә, яҙыусының иғтибарға лайыҡ әҫәрҙәре байтаҡ. Уның китаптары һүҙ оҫталығы өлгөһө генә түгел, уларҙы табип, социолог менән сағыштырырға мөмкин, сөнки улар кешенең күңелен тоя. Тап шуға ла йәмғиәттә киң сағылыш таба. Таңсулпан Хизбулла ҡыҙына хеҙмәте һәм ижады өсөн ихлас рәхмәтлебеҙ».
Азат Шамил улы яҙыусыға ныҡлы һаулыҡ һәм яңы ижади уңыштар теләп, күп йыллыҡ намыҫлы хеҙмәте һәм башҡорт әҙәбиәте үҫешенә тос өлөш индергәне өсөн Башҡортостан Республикаһы Башлығы Радий Хәбировтың рәхмәт хатын тапшырҙы.
Башҡортостандың халыҡ яҙыусыһы Таңсулпан Ғарипованың тыуыуына 75 йыл тулыуға арналған конференцияға республиканың юғары уҡыу йорттары вәкилдәре, музейҙары, китапханалары, театрҙары етәкселәре һәм белгестәре, журналистар, яҙыусылар, шулай уҡ Мәскәү, Силәбе, Чечен Республикаһы, Тыва, Удмуртия, Алтай, Чехия һәм АҠШ-тан вәкилдәр килгәйне.
— Был конференция минең ижадымды ғына түгел, ә башҡорт әҙәбиәтен, Башҡортостан халҡын, китапты данлай тип иҫәпләйем. Шуға күрә яҙыусыларға халыҡтың рухын күтәргән һәм кешеләрҙе бөйөк ҡаҙаныштарға илһамландырған әҫәрҙәр ижад итергә кәрәк. Әгәр миңә 25 йәш булһа, яңы әҫәрҙәр өҫтөндә эшләй башлар инем. Ләкин миңә 75, алда бөтә томдарҙы сығарыу бурысы тора, — тине Башҡортостандың халыҡ яҙыусыһы Таңсулпан Ғарипова.
Конференция аҙағында резолюция ҡабул ителде. Ойоштороусылар Таңсулпан Хизбулла ҡыҙына «Өфөнөң почетлы гражданы» исемен биреүҙе юллай. Уның «Бөйрәкәй» китабы буйынса спектаклдәрҙе республика театрҙары репертуарына индереү, киносериал төшөрөү, авторҙың һайланма әҫәрҙәрен рус телендә баҫтырып сығарыу һәм яҙыусының тыуған яғында — Баймаҡ районында Таңсулпан Ғарипованың кабинет-музейын асыу күҙаллана. Башҡортостандың Милли әҙәбиәт музейына айырым бина биреү мөһим пункттарҙың береһе булды, әлеге ваҡытта Әҙәбиәт музейы Достоевский урамындағы 160-сы йорттоң беренсе ҡатында урынлашҡан.
Сараны ойоштороусылар — Башҡортостандың Мәҙәниәт министрлығы, Милли әҙәбиәт музейы, Мәжит Ғафуриҙың мемориаль йорт-музейы, Яҙыусылар союзы, «Әҙәбиәт. Музей. Мәҙәниәт» ойошмаһы.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».