9 сентябрҙә Башҡортостанда Милли кейем көнө билдәләнә
9 сентябрҙә Башҡортостанда Милли кейем көнө билдәләнә. Байрам йәнә бер тапҡыр халыҡтарҙың йолаларына, тарихына һәм мәҙәниәтенә мөрәжәғәт итергә, йәш быуынға халыҡ мәҙәниәтенең оло хазина икәнлеген күрһәтергә мөмкинлек бирә. Хәтерегеҙгә төшөрәбеҙ, республикала байрам 2020 йылдан алып йылына ике тапҡыр — апрелдең өсөнсө йомаһында һәм сентябрҙең икенсе йомаһында уҙғарыла.
«Башинформ» агентлығы хәбәр иткәнсә, быйыл Милли кейем көнөн республикала ғына түгел, унан ситтә лә билдәләйҙәр. 7-11 сентябрҙә Белорус тарихи-мәҙәни үҙәге һәм ХМАО-Юграла Башҡорт тарихи-мәҙәни үҙәге «Милли кейемдә фото» онлайн-күргәҙмәһен, шулай уҡ «Мин милли кейемдә» флешмобын ойоштора. 9 сентябрҙә «Ҡыҙылъяр» рус тарихи-мәҙәни үҙәге Ҡырымдың Белогорск районында ошондай акция үткәрә.
Башҡортостанда 9 сентябрҙә Милли кейем көнөнөң төп ваҡиғаһы — «Милли кейем байрамы». Сара Өфөнөң Яҡутов исемендәге паркында ойошторола. Ҡунаҡтарҙы сағыу костюмдар, халыҡ оҫталары эштәре күргәҙмәһе, концерт көтә.
Республика халыҡ ижады үҙәге «Музыкаль этномозаика» акцияһында ҡатнашырға саҡыра. Бының өсөн милли уйын ҡоралдарында ике-өс минут үҙең теләгән композицияны башҡарырға кәрәк. Видеороликты #ДеньНациональногоКостюма #МиллиКейем2022 хештегтары менән «Бәйләнештә», «Класташтар» һәм Telegram социаль селтәрҙәренә һалырға. Акция 29 августан 9 сентябргә тиклем бара.
Башҡортостан райондарында ла ҙур программа көтөлә. Республиканың төрлө мөйөштәрендә милли кейемдәр күргәҙмәһе, флешмобтар, ҡатын-ҡыҙ биҙәүестәре эшләү, ҡатын-ҡыҙ күлдәктәре тегеү, тамбурлы сигеү буйынса оҫталыҡ дәрестәре һәм башҡа саралар үткәрелә.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.