Башҡортостан һәм Өфө яңылыҡтары
55.3
0
52.74
0
85.35
-1.83
15+ °C
Болотло
Бөтә яңылыҡтар
Мәҙәниәт
6 Сентябрь , 16:13

Радий Хәбиров: «Ғалимдарҙың бурысы — Турахан кәшәнәһенең серҙәрен асыу»

Дүшәмбе Башҡортостан Башлығы Радий Хәбиров Хөкүмәттең Республикаға идара итеү үҙәгендәге оператив кәңәшмәһендә Евразия күсмә цивилизациялар музейын булдырыу буйынса эшсе төркөмдөң күсмә кәңәшмәһенә йомғаҡ яһаны. Сара 30 августа Шишмә районында Турахан кәшәнәһе алдында уҙҙы.

Республика етәксеһе ошондай боронғо кәшәнәләрҙең бик аҙ булыуына иғтибар итте.

«Был бик матур, — тине Радий Хәбиров, Евразия күсмә цивилизациялар музейы өсөн урында төшөрөлгән видеоматериалдарҙы күрһәтеп. — Бына күрәһегеҙме, һул яҡта ҡаҙыу эштәре бара. Беҙ яңыраҡ ҡына башланыҡ һәм шунда уҡ 15-се быуат ҡәберлектәрен таптыҡ. Яҡшы һаҡланған һөлдәләр буйынса шул замандарҙа йәшәгән кешеләрҙең образдарын, уларҙың типтарын тергеҙергә һөйләштек. Был бик ҡыҙыҡлы, иң мөһиме — ғалимдарға Турахан кәшәнәһенең серҙәрен аңларға мөмкинлек бирә».

Евразия күсмә цивилизациялар музейын төҙөү ғәйәт ҙур эште күҙ уңында тота, тип билдәләне Башҡортостан Башлығы. Унда ғилми үҙәк, мәҙәни-тарихи үҙәк, үҙенең ипподромы менән күңел асыу үҙәге, һөнәрселәр ауылы, шулай уҡ туристик үҙәк ойошторола.

«Яйлап ошо проектты тормошҡа ашырырбыҙ. Тарих үҙе беҙгә ошо урынды күрһәтте», — тине республика етәксеһе.

https://www.bashinform.ru/news/culture/2022-09-06/radiy-habirov-zadacha-uchenyh-ponyat-tayny-mavzoleya-tura-hana-2937533

Читайте нас в