Башҡортостан һәм Өфө яңылыҡтары
55.3
0
52.74
0
85.35
-1.83
15+ °C
Болотло
Бөтә яңылыҡтар
Мәҙәниәт
6 Сентябрь , 11:22

Фәйзи Ғәскәров исемендәге халыҡ бейеүҙәре ансамблендә — яңы директор

Фәйзи Ғәскәров исемендәге дәүләт академия халыҡ бейеүҙәре ансамбленең концерт залында Башҡортостан Республикаһының мәҙәниәт министры Әминә Шафиҡова коллективты ансамблдең яңы директоры  менән таныштырҙы.

Был вазифа Башҡортостандың атҡаҙанған артисы Нәзир Байегетовҡа йөкмәтелде.

«2003 йылда, Фәйзи Ғәскәров исемендәге дәүләт академия халыҡ бейеүҙәре ансамблендә балет артисы булып эшләй башлағас, берәй ҡасан данлыҡлы ансамблде етәкләү мөмкинлеге булыр тип уйламағайным да! — тине Нәзир Байегетов. — Был минең өсөн оло хөрмәт һәм яуаплылыҡ. Хеҙмәт эшмәкәрлегенең ҙур тырышлыҡ талап иткән яңы этабы. Ансамблдең бай ижади тарихы, быуындар күсәгилешлеге, яратҡан тамашасылары бар, шуға күрә киләсәктә өлгәшелгән уңыштарҙы һаҡлап ҡалып, артабан үҫтерергә ниәтләйбеҙ! Әлбиттә, дөйөм тырышлыҡ, хөрмәтле артистарҙың булышлығы менән генә!»

Нәзир Нияз улы Байегетов Учалы сәнғәт училищеһын һәм Мәскәү дәүләт мәҙәниәт институтын тамамлаған. Быға тиклем Фәйзи Ғәскәров исемендәге дәүләт академия халыҡ бейеүҙәре ансамбле директорының ижади бүлек буйынса урынбаҫары вазифаһында эшләне. 2021 йылда ул үҙенең «Йәш йөрәктәр» башҡорт бейеүен сәхнәгә сығарҙы.

Хәтерегеҙгә төшөрәбеҙ, ансамблдең элекке директоры Алмаз Сәйетов Башҡортостандың мәҙәниәт министры урынбаҫары итеп тәғәйенләнде.

https://www.bashinform.ru/news/culture/2022-09-05/kollektivu-ansamblya-narodnogo-tantsa-im-fayzi-gaskarova-predstavili-novogo-direktora-2936536

Автор:Ләйлә Ааралбаева
Читайте нас в