14 августа Ҡаҙағстандың Кустанай ҡалаһында беренсе тапҡыр башҡорттарҙың боронғо «Йыйын» байрамы үткәрелә. Сараны «Азатлыҡ» башҡорт этномәҙәни берләшмәһе ойоштора. Был турала Башҡортостан хөкүмәтенең матбуғат хеҙмәте хәбәр итте.
Программала – Сибай филармонияһы артистарының сығышы, спорт һәм традицион ярыштар, уйындар, шул иҫәптән милли көрәш. Еңеүсегә – һарыҡ. Үҙешмәкәр йырсылар, бейеүселәр һәм инструменталистар сығыш яһай. Бал, шифалы үләндәр, сироптар һәм башҡа тауарҙар йәрминкәһе була.