Бөрйән районында Алдар батырға мемориаль комплекс асыла

Бөрйән районының Әтек ауылы эргәһендә башҡорт халҡының милли батыры Алдар батыр хөрмәтенә мемориаль комплекс асыла. Тантана 8 августа көндөҙгө сәғәт 3-тә башлана.

Алдар Иҫәкәев — тархан, батыр, Бөрйән улусы башлығы, 1704-1711 йылдарҙа башҡорт ихтилалы етәксеһе, күренекле сәйәси эшмәкәр. Һәйкәл кенотаф  — символик ҡәбер кеүек эшләнгән, сөнки батырҙың ерләнгән урыны билдәһеҙ. Иҫтәлекле таш тирәләй беседка ҡуйылған.

Комплексты асҡан көндә этно-концерт була, унда ҡурайсы Роберт Юлдашев, Ғәлиә Мортазина, Хаят Исмаил, «Арғымаҡ» этно-рок төркөмө сығыш яһай.

https://www.bashinform.ru/news/culture/2022-08-05/v-burzyanskom-rayone-bashkortostana-otkroetsya-memorialnyy-kompleks-aldar-batyra-2899377