«Китап» нәшриәте Башҡортостан райондары буйлап автоуҙыш ойоштора
Зәйнәб Биишева исемендәге Башҡортостан «Китап» нәшриәте республика райондары буйлап автоуҙыш ойоштора. Автоуҙыштың маршруты: Өфө — Иҫке Собханғол — Белорет — Баймаҡ — Сибай — Асҡар. Был хаҡта нәшриәттең матбуғат секретары Айрат Искәндәров хәбәр итте.
23 июндә Бөрйән районы Иҫке Собханғол ауылының баҙар майҙанында «Китап» нәшриәте китаптарының күргәҙмә-йәрминкәһе була. Башҡортостан тарихына, мәҙәниәтенә, тәбиғәтенә, республиканың күренекле эшмәкәрҙәренә арналған яңы китаптар, балалар өсөн сағыу йыйынтыҡтар, Башҡортостан яҙыусылары һәм шағирҙарының әҫәрҙәре, бүләк баҫмалары, мосолман һәм уҡыу-методик әҙәбиәт тәҡдим ителә.
24 июндә автоуҙыш Белорет, Баймаҡ һәм Сибай ҡалалары аша үтә. Белоретта ла Зәйнәб Биишева исемендәге «Китап» нәшриәте вәкилдәре ҡаланың үҙәк китапханаһында китап уҡыусылар менән осраша. Осрашыуға район гәзиттәре журналистары, китапхана һәм клуб системаһы хеҙмәткәрҙәре, «Ағинәйҙәр» клубы ағзалары килә. Осрашыу көндөҙгө 12-се яртыла башлана.
25 июндә Әбйәлил районы Асҡар ауылында, Түңгәүер ырыуы йыйынында, китап продукцияһын һатыу ойошторола. 26 июндә нәшриәт вәкилдәре Түңгәүер ырыуының район һабантуйында ҡатнаша.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.