Башҡортостан һәм Өфө яңылыҡтары
53.77
0
56.36
0
111.63
+2.6
9+ °C
Болотло
Бөтә яңылыҡтар
Мәҙәниәт
21 Июнь , 15:56

Башҡортостан Үзбәкстан китапханаларына китаптар бүләк итте

Республика Хөкүмәте вице-премьеры Азат Бадранов етәкселегендәге Башҡортостан делегацияһы Ташкент ҡалаһында милли байрамға — Һабантуйға һәм Башҡорт мәҙәни үҙәгенең 30 йыллығына арналған тантаналы сараларҙа ҡатнаша.

Сәфәр барышында делегация Үзбәкстандың Алишер Навои исемендәге Милли китапханаһында булды, тип хәбәр итте Башҡортостан Республикаһы Мәҙәниәт министрлығының матбуғат хеҙмәте. Ике республиканың Милли китапханалары араһында хеҙмәттәшлек тураһындағы килешеү сиктәрендә башҡортса китаптар тапшырылды.

Үзбәкстан китапханаларына китаптарҙы Азат Бадранов, мәҙәниәт министры Әминә Шафиҡова һәм Әхмәтзәки Вәлиди исемендәге Милли китапхана директоры Марат Зөлҡәрнәев бүләк итте. Башҡортостан делегацияһын Үзбәкстан Милли китапханаһы директорының мәғлүмәт-китапхана хеҙмәтләндереүе буйынса урынбаҫары Нәсибә Холдорова ҡаршы алды.

Үзбәкстан китапханаларының китап фондтары Башҡортостан әҙәбиәте, сәнғәте, мәҙәниәте, фәне, тарихы тураһындағы баҫмалар менән тулыланды. Бүләк ителгән китаптар араһында — ете томлыҡ «Башҡорт халҡының тарихы», «Башҡортостан» энциклопедияһы, этнография буйынса китаптар, башҡорт авторҙарының рус һәм башҡорт телдәрендә донъя күргән әҫәрҙәре.

Сәфәр барышында Башҡортостан делегацияһы Хәҙрәти-Имам дини комплексы етәкселеге менән дә осрашты һәм башҡорт телендәге Ҡөрьән китабын тапшырҙы.

https://www.bashinform.ru/news/culture/2022-06-21/bashkortostan-podaril-knigi-bibliotekam-uzbekistana-2849162

Читайте нас в