Мәжит Ғафури исемендәге Башҡорт драма театры «Йәш йөрәктәр» спектаклен сәхнәләштерә
23 июндә М.Ғафури исемендәге Башҡорт академия драма театрында Фәтхи Бурнаш пьесаһы буйынса «Йәш йөрәктәр» спектакленең премьераһы була. Театрҙың матбуғат хеҙмәтенән хәбәр итеүҙәренсә, спектаклде Башҡортостандың атҡаҙанған артисы Фирғәт Ғарипов сәхнәләштерә. Адаптация авторы һәм консультант булып драматург, Ш.Бабич исемендәге республика дәүләт йәштәр премияһы лауреаты Зөһрә Бураҡаева сығыш яһаны.
Ауыл ҡыҙҙары аулаҡҡа йыйыла. Күңелдәрҙең иләҫ-миләҫ, йөрәктәрҙең дәртле сағы… Бер-береһен оялып ҡына күҙләй, ғашиҡ була һәм бөрөләнеп килгән хистәрен сайпылдырмай һаҡлай ауыл йәштәре. Улар араһында һылыу Сәрби һәм сая егет Хәйретдин дә бар. Йәштәрҙең – илһамлы, дәртле йәш йөрәктәрҙең – хыялдар тулы тормошона һуғыш килеп инә: егеттәр фронтҡа алына, ҡыҙҙар йәрәшкән батырҙарын көтөп алырға вәғәҙә бирә.
Сәхнәләге ваҡиғалар халыҡ ижады өлгөләре: милли уйындар, ғөрөф-ғәҙәттәр, йолалар, бейеүҙәр менән үрелеп бара. Музыкаль спектаклдең нигеҙендә – композитор Нур Дауытов ижад иткән халыҡсан йыр-көйҙәр, уларҙы театр оркестры башҡара.
Ошо спектакль өсөн махсус рәүештә Хәйретдин роленә З.Исмәғилев исемендәге Өфө сәнғәт институтының 4-се курс студенты Динислам Сафин саҡырылған.
Ҡуйыусы рәссам – Рөстәм Баймөхәмәтов, хореограф – Башҡортостандың атҡаҙанған артисы Сулпан Асҡарова. Вокал – Нурия Мортазина. Оркестр етәксеһе – Урал Иҙелбаев, Башҡортостан Республикаһының атҡаҙанған сәнғәт эшмәкәре, Ш.Бабич исемендәге республика дәүләт йәштәр премияһы лауреты.
Фәтхи Бурнаш пьесаһы буйынса «Йәш йөрәктәр» спектаклен 1993 йылда Башҡорт драма театрында билдәле режиссер Рифҡәт Исрафилов ҡуйғайны (ул саҡта ҡуйыусы рәссам – Таң Еникеев, композитор – Фәнил Арыҫланғолов).
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.