Өфөлә Рәми Ғарипов тураһында «Шағир көндәлеге» фильмы төшөрөлөп бөттө
Өфөлә Башҡортостандың халыҡ шағиры Рәми Ғариповтың тормошона һәм ижадына арналған «Шағир көндәлеге» тулы метражлы нәфис фильмын төшөрөү тамамланды. Иҫегеҙгә төшөрәбеҙ, фильмдың төп өлөшө былтыр тамамланғайны, ошо көндәрҙә уны тулыһынса төшөрөп бөттөләр.
«Аҙаҡҡы көндә Рәми Ғариповтың мәктәптә уҡыған йылдарында, 1948 йылдың йәйендә, генерал Миңлеғәле Шайморатовтың хәрби дан эҙҙәре буйлап Донбасҡа экспедицияла ҡатнашыуы хаҡында төшөрҙөк», – тине кинорежиссёр Булат Йосопов.
«Йәнле таҫма» кинокомпанияһы хәбәр итеүенсә, байопикты әҙерләп төшөрөүгә ике йыл ваҡыт киткән. Был иһә Башҡортостан кинематографияһы тарихында тамашасылар, меценаттар, предприятиелар һәм дәүләт менән берлектә төшөрөлгән тәүге халыҡ фильмы. Төп күренештәр Өфөлә, Шишмә районында, Һамарҙа. Премьера 2022 йылдың көҙөндә көтөлә.
«Фильмды төшөрөүҙә республика Башлығы Радий Фәрит улы Хәбировтың ҡарары ҙур роль уйнаны», – тип билдәләне кинотаҫманың продюсеры Леонид Филинов.
Быйыл республикала Башҡортостан Башлығы указы буйынса Рәми Ғариповтың 90 йыллығы киң билдәләнә (1932 - 1977). Башҡортостан Республикаһының халыҡ шағиры Рәми Ғарипов совет осорондағы башҡорт әҙәбиәте тарихында айырым урынды биләй. Ижадында ул тормош мәғәнәһе, халыҡтың тарихи яҙмышы, быуындарҙың рухи бәйләнеше хаҡында уйланды, туған телдең һәм мәҙәниәттең киләсәге өсөн борсолдо, йыш ҡына башҡорт халыҡ ижадына мөрәжәғәт итте. Рәми Ғариповтың иң билдәле шиғыры — «Туған тел». Рәми Ғарипов властар яғынан эҙәрлекләүгә дусар булды. Шағир нәфис тәржемә оҫтаһы булараҡ та билдәле.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.