Өфөлә фольклорсы, сәсәниә Розалиә Солтангәрәева менән ижади осрашыу була
21 апрелдә Әхмәтзәки Вәлиди исемендәге Милли китапханала Башҡорт дәүләт педагогия университетының башҡорт фольклоры ғилми-тикшеренеү үҙәге етәксеһе Розалиә Солтангәрәева менән ижади осрашыу һәм уның ике томлыҡ «Башҡорт фольклоры: семантика, функциялар һәм традициялар» китабының исем туйы була. Осрашыу көндөҙгө сәғәт 3-тә башлана.
Китапхананың матбуғат хеҙмәтенән хәбәр итеүҙәренсә, һүҙ ҡобайырҙар һәм уларҙы башҡарыусылар – сәсәндәр хаҡында бара. Осрашыу Халыҡ сәнғәте һәм Рәсәй халыҡтарының матди булмаған мәҙәни мираҫы йылына бағышлана.
Солтангәрәева Розалия Әсфәндиәр ҡыҙы – филология фәндәре докторы, билдәле фольклорсы, Салауат Юлаев ордены кавалеры, Башҡортостан Республикаһының һәм Рәсәй Федерацияһының Яҙыусылар союзы ағзаһы, М.Аҡмулла премияһы лауреаты, Башҡортостан Республикаһының атҡаҙанған мәҙәниәт хеҙмәткәре. Розалиә Солтангәрәева үҙенең ижади һәм ғилми эшмәкәрлегендә башҡорт фольклорын, халыҡтың йолаларын һәм ғөрөф-ғәҙәттәрен йыйыу, өйрәнеү һәм популярлаштырыу менән шөғөлләнә. М.Аҡмулла исемендәге Башҡорт дәүләт педагогия университетында Сәсәндәр мәктәбен ойоштороусы ла.
Осрашыуҙа Розалиә Солтангәрәева ҡобайырҙарҙың барлыҡҡа килеү тарихы, уларҙы башҡарған сәсәндәр хаҡында һөйләй. Уның башҡарыуында ҡобайырҙар яңғырай. Думбырала Гүзәл Үмәрғәлина уйнай.
Ғалимдар, культурологтар Розалиә Солтангәрәеваның «Башҡорт фольклоры: семантика, функциялар һәм традициялар» монографияһының әһәмиәте тураһында сығыш яһай. Монография М.Аҡмулла исемендәге Башҡорт дәүләт педагогия университеты һәм «Янғантау» шифаханаһы ярҙамында нәшер ителгән. Осрашыуҙа билдәле мәҙәниәт һәм сәнғәт эшмәкәрҙәре Гөлфиә Юнысова, Гөлнур Ҡолһарина, Рәшит Шәкүр, Салауат Кәримов ҡатнаша.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.