Өфөлә ике тапҡыр Советтар Союзы Геройы Муса Гәрәевтың 100 йыллығына спектакль сәхнәләштерелә

Мостай Кәрим исемендәге Милли йәштәр театрында Фәрит Әхмәҙиевтың (авторҙашы Ольга Мусина) пьесаһы буйынса «Герой йондоҙо» спектакленең репетициялары бара.

Спектакль легендар летчик-штурмовик, ике тапҡыр Советтар Союзы Геройы Муса Гәрәевтың тыуыуына 100 йыл тулыуға арнала. Премьера 2022 йылдың 6-7 майында күрһәтелә.

Легендар осоусының яҙмышы һоҡланғыс. Хәрби юлдың бөтә ауырлыҡтарын үткән Муса Гәрәев бик күп наградалар алған, бер тапҡыр ҙа яраланмаған. 22 йәшендә ике тапҡыр Советтар Союзы Геройы исеменә лайыҡ булған һәм һуғыш тамамланыуға эскадрилья командиры дәрәжәһенә күтәрелгән. Пьеса данлыҡлы штурмовиктың хәтирәләренә таянып яҙылған.

Спектаклдең ҡуйыусы режиссеры – Башҡортостандың халыҡ артисы Ольга Мусина, ҡуйыусы рәссамы – Башҡортостандың атҡаҙанған сәнғәт эшмәкәре Юлиә Ғиләжева.

https://www.bashinform.ru/news/culture/2022-04-01/v-ufe-stavyat-spektakl-k-100-letiyu-dvazhdy-geroya-sovetskogo-soyuza-musy-gareeva-2753112