Өфөлә Шәһит Хоҙайбирҙиндың йорт-музейы төҙөкләндерелә
Өфөлә Шәһит Хоҙайбирҙиндың йорт-музейы төҙөкләндерелә. Яңы күпер урамындағы ике ҡатлы йорт тарихи-архитектура ҡомартҡыһы булып тора.
Реставрация проектын Ырымбурҙан «Рона» компанияһы эшләгән, тип хәбәр итте Матбуғат һәм киң мәғлүмәт саралары агентлығы. Йыл аҙағына музейҙы проектҡа ярашлы итеп үҙгәртеү планлаштырыла. Хәҙер «Мәҙәниәт» милли проекты сиктәрендә бинаны капиталь ремонтлау өсөн аукцион бара. Һатыулашыу һөҙөмтәләре март аҙағында билдәле була. Объект 2022 йылдың декабрендә файҙаланыуға тапшырылырға тейеш.
Бина генерал-майор Капитон Слотов бойороғо буйынса 1860 йылдарҙа төҙөлгән. 1923 йылда йорт республиканың эске эштәр халыҡ комиссары Шәһит Хоҙайбирҙинға бүләк ителгән. 1960 йылға тиклем уның ғаиләһе шунда йәшәгән. 1961 йылдан йортта балалар китапханаһы булған. 1991 йылда Шәһит Хоҙайбирҙин исемендәге музей асылған.
Шәһит Әхмәт улы Хоҙайбирҙин 28 йыл ғына (1896-1924) йәшәһә лә, исеме республика йылъяҙмаһына яҙылған. Ул бик ҡатмарлы тарихи осорҙа йәшәгән һәм эшләгән, республика дәүләтселеген булдырыу эшен алып барған, тыуған Башҡортостаны сәскә атһын өсөн бөтә көсөн, ғүмерен биргән. Шәһит Хоҙайбирҙиндың Башҡорт телен тормошҡа ашырыу буйынса комиссия рәйесе булараҡ та хеҙмәте ҙур. Ул башҡорт теленә республиканың дәүләт теле статусын биреү буйынса күп эш башҡарған. Мөһим дәүләт эштәре менән мәшғүл булыуына ҡарамаҫтан, әҙәби ижад өсөн дә ваҡыт тапҡан. Бөгөн дә көнүҙәклеген юғалтмаған әҫәрҙәрендә Башҡортостандың ысын патриоты булып сығыш яһаған.
https://www.bashinform.ru/news/culture/2022-03-21/v-ufe-otrestavriruyut-dom-muzey-hudayberdina-2737567
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.