Өфөлә «Өлгөлө башҡорт ғаиләһе-2022» республика конкурсы еңеүселәре билдәләнде
Финалсылар «Башҡортостан» дәүләт концерт залына йыйылды. Проекттың һуңғы этабы һәм еңеүселәрҙе бүләкләү тантанаһы милли йолалар һәм туған тел байрамына әүерелде. Республиканың төрлө мөйөштәренән, Ҡурған өлкәһенән һәм Ханты-Манси автономиялы округы-Югранан 23 ғаилә ҡатнашты.
Финалсылар балаларында традицияларға һәм туған телгә һөйөү тәрбиәләй, онотолоп барған халыҡ кәсептәрен тергеҙә, сәләмәт йәшәү рәүешен пропагандалай, тип хәбәр итте Башҡортостан Республикаһы Халыҡтар дуҫлығы йортоноң матбуғат секретары Минзиә Каспранова.
БДМУ профессоры, медицина фәндәре докторы, Бөтә донъя башҡорттары ҡоролтайы президиумы ағзаһы Сәлиә Мырҙабаева рәйеслегендәге жюри «Ғаилә ҡиммәттәре», «Ғаилә кәсебе» һәм «Ғаилә ижады» номинацияларында еңеүселәрҙе билдәләне.
Гран-приҙы Күгәрсен районынан Хөснуллиндар ғаиләһе яуланы. Улар 100 мең һумлыҡ сертификат менән бүләкләнде.
Өлгөлө башҡорт ғаиләһе Юлдыбай ауылында йәшәй. Урал менән Гөлгөнә ике бала тәрбиәләй: ҡыҙҙары Дилараға — 10, улдары Ирханға 4 йәш. Хөснуллиндарҙы яҡташтары йүнсел, талантлы ғаилә тип белә. Ғаилә башлығы милли уйын ҡоралы — ҡурай эшләү менән шөғөлләнә. Был һөнәргә уны атаһы, оҫта ҡуллы Рәмил ағай өйрәткән. Ул ағасты семәрләү менән шөғөлләнгән, милли биҙәкле йыһаз эшләү оҫтаханаһын асҡан. Урал Рәмил улына был һөнәргә ҡыҙыҡһыныу атаһынан күскән. Бер нисә йыл элек үҙе лә оҫтахана асып ебәргән, хәҙер музыканттарҙың заказдарын башҡара. Инструментҡа һорау ҙур, ти Урал Хөснуллин. Еңеүселәр был аҡсаға оҫтахана өсөн ҡорамалдар һатып алырға ниәтләй.
«Өлгөлө башҡорт ғаиләһе - 2022» республика конкурсы еңеүселәрен бүләкләү тантанаһынан репортажды Башҡортостан юлдаш телевидениеһында ҡарарға мөмкин. Тапшырыу 1 мартта киске сәғәт 9-сы 15 минутта эфирға сыға.
Конкурсты ойоштороусылар — Халыҡтар дуҫлығы йорто, Бөтә донъя башҡорттары ҡоролтайы һәм Башҡортостандың Мәҙәниәт министрлығы.
https://www.bashinform.ru/news/culture/2022-02-28/v-ufe-opredelili-pobediteley-otkrytogo-respublikanskogo-konkursa-obraztsovaya-bashkirskaya-semya-2022-2708903
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.