Өфөлә «Ышан» мистик сериалының исем туйы үтте

«Арт-Квадрат» ҡала киңлегендә үҫмерҙәр өсөн «Ышан» мистик сериалының исем туйы үтте. Ҡышҡы каникулда Башҡортостан юлдаш телевидениеһында күрһәтелгән ете серия тамашасыларҙа ҙур ҡыҙыҡһыныу уятты.

Сериалда хәҙерге үҫмерҙәрҙең проблемалары күтәрелә. Ете серия — башҡорт легендаһындағы ете ҡыҙҙың бәләгә тарыған үҫмерҙәргә нисек ярҙам итеүе тураһында ете тарих.

— «Ышан» сериалы балаларҙы һәм үҫмерҙәрҙе үҙ көсөнә, яҡындарына ышанырға саҡырыуы менән ҡиммәтле, — тине мәҙәниәт министры Әминә Шафиҡова. — Был иһә «Тамыр» телеканалының бындай форматтағы икенсе әһәмиәтле проекты. Тәүге «Бирешмә!» сериалында каналдың ижади командаһы йәш тамашасыларҙы бирешмәҫкә саҡырҙы. Яңы фильмдың төп идеяһы ла ошо. Ижади төркөмгә, актерҙарға, балаларға рәхмәт! Артабан да «Тамыр» ошондай кәрәкле сериалдар төшөрһөн тип теләйем.

Рәсәй Федерацияһы Дәүләт Думаһы депутаты Зариф Байғусҡаров, мәғариф һәм фән министры урынбаҫары Әлфиә Ғәлиева, Бөтә донъя башҡорттары ҡоролтайының башҡарма комитеты рәйесе Юлдаш Йосопов, Граждандар йәмғиәтенә булышлыҡ итеү фонды директоры Люциә Юлыева, «Ағиҙел» журналының баш мөхәррире Мөнир Ҡунафин, «Башҡортостан» телерадиокомпанияһы директоры Рөстәм Зәрәфетдинов «Тамыр» командаһына ошондай мөһим һәм көнүҙәк проект өсөн рәхмәт белдерҙе.

Билдәле кинорежиссер Булат Йосопов «Тамыр» телеканалының яңы сериалын юғары баһаланы:

— «Тамыр» телеканалында эшләгән коллегаларымдың уңыштарына ныҡ һөйөнәм. Ҡыҙғанысҡа ҡаршы, хәҙерге заманда балалар өсөн сифатлы кино контенты аҙ. Хәҙер беҙҙә телевизион кинематограф та үҫешә. Республикала милли Голливуд булдырырлыҡ ҡеүәт бар. Әйтәйек, Горький исемендәге киностудия ҡарамағындағы балалар һәм үҫмерҙәр фильмдары студияһы. Күберәк төшөрөргә, күберәк ижад итергә кәрәк.

«Ышан» сериалының социаль әһәмиәте баһалап бөткөһөҙ. Проект балаларҙың һәм үҫмерҙәрҙең туған телгә, мәҙәниәткә ҡыҙыҡһыныуын арттырыр, үҫеп килгән быуындың проблемаларына ата-әсәләр һәм йәмәғәтселек иғтибарын йәлеп итер. Сериалдың режиссеры — Адель Һөнәрғолова, сценарий авторы — Дамир Йосопов, операторы — Руслан Бикбаев, башҡарма продюсеры — Гөлшат Ғәлиуллина, монтажлау режиссеры — Дамир Сәлимов.

Ошо көндәрҙә «Ышан»дың ете серияһы ла социаль селтәргә һалына.

https://www.bashinform.ru/news/culture/2022-01-14/v-ufe-sostoyalas-prezentatsiya-misticheskogo-seriala-yshan-2654409

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.