Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-14 °C
Ҡар
Бөтә яңылыҡтар
Мәҙәниәт
11 Ғинуар , 11:43

Радий Хәбиров яҙыусы һәм ғалим Рәшит Шәкүрҙе 85 йәшлек юбилейы менән ҡотланы

Башҡортостан Башлығы «Һоҡланғыс кешеләрҙең тормошо» тигән рубрикаһында абруйлы аҡһаҡал, күренекле йәмәғәт эшмәкәре, Башҡортостандың халыҡ шағиры, филология фәндәре докторы, профессор, Өфөнөң почетлы гражданы Рәшит Шәкүр хаҡында һөйләне. Бөгөн уға 85 йәш тулды.

Фото:Валерий Шахов

«Рәшит Закир улын башҡорт халҡының рухи таянысы тип йөрөтәләр. Публицистик мәҡәлә йәки шиғыр, проза йәки монография булһынмы, һәр юлды ул йөрәгенән үткәреп яҙа. Уның әҫәрҙәре тыуған еренә, туған теленә һөйөү менән һуғарылған», — тип яҙҙы Радий Хәбиров.

Тап Рәшит Закир улы «Башҡортостан» энциклопедияһын булдырыу идеяһын тәҡдим итте, ул күп томлы универсаль «Башҡорт энциклопедияһы»ның концепцияһын әҙерләп, ошо проектты уңышлы тормошҡа ашырҙы, уның редакцияһы аҫтында башҡорт телендә Ҡыҫҡаса энциклопедия донъя күрҙе, тип билдәләне республика Башлығы.

Радий Хәбиров үҙенең аккаунтын уҡып барыусыларға ғалим һәм яҙыусының тәүге һөнәренең нефтсе булыуы, ғаиләһе — тормош иптәше Марина Нәби ҡыҙы һәм ҡыҙҙары Шәүрә, Гөлдәр хаҡында ла бәйән итте.

https://www.bashinform.ru/news/culture/2022-01-11/radiy-habirov-pozdravil-pisatelya-i-uchenogo-rashita-shakura-s-85-letiem-2649761