Республикала «Урал батыр» эпосы буйынса сериал төшөрөү планлаштырыла
Режиссер, продюсер, «АсҡарФильм» студияһы етәксеһе Айнур Асҡаров республикала кино индустрияһын үҫтереү мәсьәләләренә арналған кәңәшмәлә «Урал батыр» эпосы буйынса һигеҙ сериялы фильм төшөрөргә йыйыныуы хаҡында һөйләне. Фильмды этник стимпанк жанрында төшөрөү, уны кинопрокатта түгел, ә онлайн майҙансыҡтарҙа күрһәтеү планлаштырыла, тине режиссер.
Айнур Асҡаров кинопроизводствонан рибейттар (һалым ҡайтармаһы) темаһын да күтәрҙе. Уның һүҙҙәренсә, был программа кино һәм телепроизводство өсөн льготалы шарттар булдырылған 10 төбәктә эшләй: төбәктәр рибейттар программаһы буйынса сығымдарҙың бер өлөшөн кире ҡайтара. Пилот төбәктәрҙә төшөрөлгән сериалдар һәм фильмдар ярҙамында яңы эш урындары булдырыла, ә территориялар туристарҙы күпләп йәлеп итә башлай.
Башҡортостан Башлығы фекеренсә, был тема ентекле өйрәнеүҙе талап итә, сөнки төбәктәрҙә төшөрөлгән фильмдар һирәк осраҡта ғына прокатта үҙ сығымын ҡаплай. Донъя киноиндустрияһында ла фильмдарҙың 10 проценты ғына килем килтерә, ҡайһы саҡта Голливуд блокбастерҙары ла прокатта уңышһыҙлыҡҡа осрай. Һуңғы йылдарҙа беҙҙең режиссерҙарҙың фильмдары илдә ҙур уңыш менән прокатҡа сығыуын иҫәпкә алып, республикала кинематографҡа булышлыҡ итеү системаһын төҙөү зарур, тип иҫәпләй Радий Хәбиров.
«Ғорурлыҡ менән күрһәтә алырҙай сифатлы, ҡыҙыҡлы кинопродукт кәрәк», – тине республика етәксеһе.
Башҡортостанда «Көмөш Аҡбуҙат» халыҡ-ара кинофестивален дә әүҙемерәк үҫтереү мөһим, тип билдәләне ул.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.