Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Мәҙәниәт
20 Декабрь 2021, 09:54

«Юлдаш» радиоһы фестивалендә йылға музыкаль йомғаҡ яһалды

Финал концерты 18 декабрҙә «Башҡортостан» дәүләт концерт залында үтте.

Байрамда профессиональ йырсылар һәм башҡорт эстрадаһы йондоҙҙары сығыш яһаны. Заманса хиттарҙы илдең төрлө төбәктәрендә йәшәгән «Юлдаш» радиоһы тыңлаусылары һайланы, тип белдерҙеләр редакцияла. Еңеүселәр фестиваль лауреаттары исеменә лайыҡ булды, исемле статуэткалар һәм дипломдар менән бүләкләнде.

Улар менән бер рәттән сәхнәлә йыр жанры оҫталары һәм фестиваль ҡунаҡтары сығыш яһаны. Йыл композиторы һәм йыл шағиры исемен бик күп популяр йырҙары менән билдәле Муса Смаков, йыл юбиляры Радик Хәкимйәнов алды.

«Легенда» номинацияһында Башҡортостандың халыҡ артисы Ғәлиә Солтанова билдәләнде, иң яҡшы  аранжировкалаусы — Марсель Ҡаһиров.

Фестивалдә тәүге тапҡыр өс яңы номинация тәҡдим ителде. Иң шәп ҡурайсы — Юлай Ҡасимов. «Иң яҡшы музыкаль чат» номинацияһында «Музыка һүнмә» төркөмө еңеү яуланы. Фәнил Шәмиғолов «Йыл кешеһе» тип танылды.

2021 йылдан радио яңылыҡ индерә, ул башҡарыусыларға ла, радио тыңлаусыларға ла бик оҡшаны. Махсус рәүештә әҙерләнгән «Радионың халыҡ артисы» миҙалдары Искәндәр Ғәзизовҡа, Рөстәм Шаһыбаловҡа, Рәдиф Зариповҡа тапшырылды.

 

Автор:Альмира Давлетбаева