Тыуыуына 100 йыл тулыу айҡанлы: Өфөлә драматург Нәжиб Асанбаевтың пьесалары донъя күрҙе

Нәжиб Асанбаев милли һәм илебеҙ драматургияһын үҫтереүгә тос  өлөш индерҙе. Уның ижады башҡорт драматургияһы классикаһын һәм республиканың күп милләтле мәҙәниәтен кәүҙәләндерә. Нәжиб Асанбаев ижад иткән әҫәрҙәр башҡорт әҙәбиәте һәм театрының алтын фондына инде. Китапҡа «Беҙгә егеттәр килде», «Рәйсә», «Фәйзи», «Зәйтүнгөл», «Яралы яҙмыш», «Ҡыҙыл Паша», «Миләш-Миләүшә» исемле сәхнә әҫәрҙәре тупланды. Китапты нәшриәттең фирма магазиндарынан, сайт аша һатып алырға мөмкин.

Нәжиб Вилдан улы (Николай Васильевич) Асанбаев (1921 - 2013) — Башҡортостандың халыҡ яҙыусыһы, Салауат Юлаев исемендәге республика премияһы лауреаты, РСФСР-ҙың атҡаҙанған мәҙәниәт хеҙмәткәре, танылған яҙыусы, шағир, драматург, йәмәғәт эшмәкәре.