Башҡортостан һәм Өфө яңылыҡтары
78.94
+0.3
89.15
+0.22
90.89
+0.93
-15 °C
Ҡар
Бөтә яңылыҡтар
Мәҙәниәт
17 Декабрь 2021, 13:17

Өфөлә «ЮлдашХит» республика фестивалендә йыр-моң йылына йомғаҡ яһала

18 декабрҙә «Башҡортостан» дәүләт концерт залы сәхнәһендә «ЮлдашХит» республика фестивале ойошторола, унда «Юлдаш» радиоһының йыр-моң йылына йомғаҡ яһала.

Байрамда профессиональ йырсылар, башҡорт эстрадаһы йондоҙҙары сығыш яһай. Пандемияға ҡарамаҫтан, улар ижад итеүҙән туҡтаманы, йыл дауамында яңы йырҙар сығарҙы. Заманса хиттарҙы илдең төрлө төбәктәрендә йәшәгән «Юлдаш» радиоһы тыңлаусылары һайланы. Еңеүселәр фестиваль лауреаттары исеменә лайыҡ була, исемле статуэткалар һәм дипломдар менән бүләкләнә. Улар менән бер рәттән сәхнәлә йыр жанры оҫталары һәм фестиваль ҡунаҡтары сығыш яһай. «Йыл композиторы», «Йыл шағиры», «Легенда», «Һөнәргә тоғролоҡ», «Иң яҡшы аранжировкалаусы», «Йылдың иң шәп ҡурайсыһы», «Иң яҡшы музыкаль чат» һәм «Йыл кешеһе» номинацияларында еңеүселәр билдәләнә.

2021 йылдан радио яңылыҡ индерә, ул башҡарыусыларға ла, тыңлаусыларға ла ныҡ оҡшаны. Махсус рәүештә «Радионың халыҡ артисы» миҙалдары әҙерләнде. Халыҡ тауыш биреүе йомғаҡтары буйынса ла башҡарыусылар миҙал менән бүләкләнә. Хәҙер бындай миҙал йыл һайын тапшырыла башлай.

Тамашасыларҙы «Теге өсәү»ҙән тоҙло-боросло шаяртыуҙар, уйындар, бүләктәр, Ҡыш бабай менән Ҡарһылыу, шулай уҡ яңы йылдың хужаһы Юлбарыҫ көтә.