Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
1 Декабрь 2021, 11:19

Республикала татар яҙыусыһы Рөстәм Ғәлиуллиндың китабы башҡорт телендә донъя күрҙе

Өфөлә татар яҙыусыһы Рөстәм Ғәлиуллиндың «Гипнозсы малай» тигән китабы башҡорт телендә донъя күрҙе. Тәржемәсеһе — Айгиз Баймөхәмәтов, рәссамы  — Альбина Таҡалова. Йыйынтыҡҡа мәктәп уҡыусылары өсөн мауыҡтырғыс хикәйәләр тупланған.

«Рөстәм Ғәлиуллиндың әҫәрҙәре ҙур тәрбиәүи әһәмиәткә эйә, — тип билдәләне тәржемә авторы, яҙыусы Айгиз Баймөхәмәтов.  — Икенсе яҡтан, әҙәбиәт һәр саҡ беҙҙең халыҡтар араһында дуҫлыҡ күпере булды. Рөстәм Ғосман улы — Татарстанда башҡорт әҙәбиәтен популярлаштырыуға күп көс һалған талантлы яҙыусыларҙың береһе».

Рөстәм Ғәлиуллин (1987) — билдәле татар прозаигы, Муса Йәлил исемендәге Татарстан дәүләт йәштәр премияһы лауреаты, филология фәндәре кандидаты, «Казан утлары» журналының баш мөхәррире.

Читайте нас: