81.14
-0.88
Башҡортостан һәм Өфө яңылыҡтары
92.22
-1.03
67.96
+2.11
22+ °C
Болотло
Бөтә яңылыҡтар
Мәҙәниәт
6 Октябрь 2021, 17:00
7 октябрҙә «Ашҡаҙар» радиоһында Тарих көнө ойошторола
7 октябрҙә Республика көнө алдынан «Ашҡаҙар» радиоһы эфиры Башҡортостан тарихына арнала. Бер көндә радиоканалда тыуған республикабыҙ тарихы тураһында бик күп яңы, ҡыҙыҡлы мәғлүмәттәр алырға мөмкин. Урта быуаттағы ҡала һәм Өфө ҡалаһы араһында ниндәй бәйләнеш бар? Ни өсөн Бөйөк Ебәк юлының көнсығыш тармағы беҙҙең төбәк аша үткән? Шул замандың сауҙагәрҙәре нимә менән сауҙа иткән? «Ашҡаҙар» радиоһында Марат Зөлҡәрнәевтың «Минең Өфөм» тапшырыуын тыңлағандан һуң ошо һәм башҡа һорауҙарға яуап табырға мөмкин.
Билдәле ғалим Рим Янғужиндың янсығының юғалыуы Башҡорт университетының нигеҙ һалыныу йылын билдәләү менән нисек бәйле булыуы хаҡында «Беҙҙең донъя» тапшырыуында журналист Фәнүзә Баһауетдинова һөйләр.
Тарихсы Ирек Аҡманов хеҙмәт юлын йөк тейәүсе булып башлаған. Ә шөғөлө – үҙенең яратҡан эше. Ирек Аҡмановтың биографияһынан тағы ла ҡыҙыҡлыраҡ мәғлүмәттәрҙе журналист Зөмәйрә Сафинаның «Ижади портрет» программаһынан белергә була.
«Марат Ҡолшәрипов, Юлдаш Йосопов, Азамат Аҡъюлов, Ринат Йосопов, Әнүәр Әсфәндиәров, Айтуған Аҡманов — был исемлекте оҙаҡ дауам итергә мөмкин. Беҙ бөгөн республикабыҙ һәм халҡыбыҙ тарихын бөртөкләп, бөтә күңелен биреп йыйған хөрмәтле ғалимдарыбыҙ алдында баш эйәбеҙ. «Башҡортостан радиоһының алтын фонды»нан материалдар — беҙҙең радиоканалда. Улар тарихи йырҙарыбыҙ менән үрелеп бара», — ти «Ашҡаҙар» радиоһы етәксеһе Гәүһәр Батталова.
Радионың киләһе эфирҙары халыҡ мәғарифына һәм ретро-йырҙарға арнала. «Ашҡаҙар» радиоһы тура эфирҙа эшләй: 8(347) 2461 – 481.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».