Республикала «Батыр» фильмын төшөрөү тамамланды

Башҡортостанда «Батыр» тулы метражлы балалар нәфис фильмын төшөрөү тамамланды. Ул киләһе йылдың яҙында ҙур экрандарға сыға, тип вәғәҙәләне ижади төркөм. Премьераны Өфөлә һәм Архангел районында ойоштороу планлаштырыла.

Фильм уҡыусыларҙың тәүге мөхәббәтенә арналды. Ваҡиғалар Башҡортостандың күркәм тәбиғәте ҡосағында бара. Фильмда 2021 йылдың эҫе йәйендә тотош республикала ҡоторған урман янғындары темаһы ла ситтә ҡалманы.

«Ошондай нәфис фильмдар кеүек әүҙем формалар аша балаларыбыҙҙа кешелеклелек, ярата белеү һәм яратылыу кеүек иң мөһим сифаттар тәрбиәләй алырбыҙ. Тәүге тәжрибәбеҙ уңышлы булыр, яңы идеялар менән янабыҙ, бының менән генә туҡталып ҡалмаҫбыҙ тип ышанам», — тине Башҡортостандың мәғариф һәм фән министры Айбулат Хажин. Проект белем биреү планына индерелә һәм республиканың бөтә мәктәптәрендә күрһәтелә, тип билдәләне ул.

Режиссер һәм сценарист Елена Дубровская һүҙҙәренсә, алһыҙ-ялһыҙ фильм төшөргән 15 көндөң һәр көнө хәтерҙә ҡалды. Ижади төркөмгә Архангел районы халҡы ныҡ ярҙам итте. Бер көндө күмәк сәхнә күренешенә 300-гә яҡын кеше йыйылды.

Кинола башлыса махсус белеме булмаған актерҙар ҡатнашты. Төп ролде — Азаматты Аҡмулла исемендәге БДПУ-ның студенты Динислам Хөсәйенов, Машаны Өфө сәнғәт институты студенты Елена Пухова уйнаны.

Заказсыһы — Башҡортостан Республикаһының Мәғариф һәм фән министрлығы. Фильмдар «Рәсәй мәктәптәрендә кинодәрестәр» Бөтә Рәсәй проекты сиктәрендә уҡыусылар йыйып тапшырған макулатура аҡсаһына төшөрөлә. «Батыр» фильмы өсөн 2 миллион һумдан ашыу йыйылды.

https://www.bashinform.ru/news/1637806-v-bashkirii-zavershilis-semki-filma-batyr-snyatogo-na-sredstva-ot-sbora-makulatury/semki-filma-batyr-snyatogo-na-sredstva-ot-sbora-makulatury/

Автор:Ләйлә Аралбаева

Теги:кино

Читайте нас:

Рубрики

Электрон почта

inf@bashinform.ru

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

ok@bashinform.ru

© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Об использовании персональных данных

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».