Суббота, 16 Мая 2026

Уфа

+28 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

10:41 (UTC+5), 22 Июня 2021

Өфөлә композитор Абрар Ғабдрахмановҡа мемориаль таҡтаташ асылды

Олег Яровиков

Ләйлә Аралбаева

Бөгөн Өфөнөң Пушкин урамында урынлашҡан 52-се йорт ихатаһында Абрар Ғабдрахманов ижад иткән «Төнгө серенада», «Әйтсе, иркәм» ретро-йырҙары яңғыраны. Уларҙы иҫтәлекле сараға йыйылғандар башҡарҙы.

Абрар Ғабдрахманов (1935 — 2013) — башҡорт композиторы, БАССР-ҙың атҡаҙанған сәнғәт эшмәкәре, Башҡортостандың халыҡ артисы. Бик күп йырҙар, хор, вокаль һәм инструменталь әҫәрҙәр авторы. Танылған башҡорт композиторы ошо йортта утыҙ йылдан ашыу йәшәгән. Бөгөн бында уға мемориаль таҡтаташ асылды.

«Абрар Ғабдрахманов профессор Заһир Исмәғилевтың тәүге уҡыусыларының береһе булды, уны Өфө сәнғәт институтында уҡыған сағынан иҫләйем. Уға бағланған өмөттәр аҡланды, ул күренекле композитор булып китте», — тине Башҡортостандың Композиторҙар союзы рәйесе Ләйлә Исмәғилева.

Сарала композиторҙың тол ҡатыны, Башҡортостандың халыҡ артисы, йырсы, башҡорт опера сәхнәһе йондоҙо Нажиә Аллаярова ла ҡатнашты. Ул йәшлек йылдарын, хәләл ефете менән танышыуҙарын һәм ғүмер итеүҙәрен йылылыҡ менән иҫкә алды, уның йәне-тәне менән музыкаға ғашиҡ булыуы тураһында һөйләне. «Ул үҙе музыка ине!» — тине Нажиә Һибәт ҡыҙы.

«Ошондай ижади, музыканттар династияһына нигеҙ һалған ғаиләлә тыуып үҫкәнем өсөн Хоҙайға рәхмәтлемен. Өйөбөҙҙә һәр ваҡыт ижади мөхит хөкөм һөрҙө, халыҡ йырҙары, скрипка һәм мандолина моңдары яңғыраны. Былтыр Абрар Хаҡ улының тыуыуына 85 йыл тулды, ләкин эпидемияға бәйле билдәләй алманыҡ. Көҙ көнө хәтер кисәһе үткәрергә йыйынабыҙ. Бөгөн мемориаль таҡтаташ асыуыбыҙ юбилей сараларының тәүгеһе булыр тип ышанам», — ти композиторҙың ҡыҙы, музыка белгесе, радиола һәм телевидениела алып барыусы Миләүшә Иҙрисова.

Әгәр бөгөн композитор иҫән булһа, ул ейәнсәрҙәренең уңыштары менән ғорурланыр ине. Өлкән ейәнсәре Айгөл Вәхитова – музыка белгесе, Мәскәүҙә йәшәй, үҙенең олатаһы тураһында монография яҙған. Уртансыһы Дилара Иҙрисова – билдәле опера йырсыһы, халыҡ-ара конкурстар лауреаты. Кинйәһе Асия – скрипкасы, Санкт-Петербургта белем алғандан һуң Германияла стажировка үтә.

Композиторҙар Нур Дауытов, Айһылыу Сәлмәнова, Башҡортостан гимны авторы Фәрит Иҙрисов, музыка белгесе Гөлназ Ғәлина һәм башҡалар Абрар Ғабдрахманов тураһында иҫтәлектәре менән бүлеште. Композиторҙың протретына сәскәләр һалынды.

1 из 12

https://www.bashinform.ru/news/1609030-v-ufe-otkrylas-memorialnaya-doska-kompozitoru-abraru-gabdrakhmanovu/

#хәтер

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.