Четверг, 30 Апреля 2026

Уфа

+13 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

07:31 (UTC+5), 26 Мая 2021

Баш ҡалала «Тамыр селтәре» мәктәп телестудияларының иң яҡшы командалары бүләкләнде

«Башинформ» мәғлүмәт агентлығы

Ошо көндәрҙә баш ҡалала «Тамыр селтәре» мәктәп телестудиялары селтәренең иң яҡшы командаларын бүләкләү тантанаһы булды. Өфөгә Ағиҙел, Бәләбәй, Дәүләкән, Дүртөйлө, Салауат, Стәрлетамаҡ ҡалаларынан, шулай уҡ Ғафури, Салауат райондарынан, Өфөнөң Дим районынан 80-гә яҡын бала килде.

Көндөң тәүге яртыһында улар үҙ эшенең оҫталары менән осрашты. «Тамыр» телеканалының баш режиссёры Әҙилә Һөнәрғолова «Мин һөйләйем!» исеме аҫтында тренинг үткәрҙе. Монтаж режиссёры Дамир Сәлимов видеоны монтажлау серҙәре менән бүлеште. Режиссёр Ләйсән Мәзитова «Мин ижад итәм!» тренингы барышында ижадта үҙеңде табыу юлдарын аныҡ миҫалдарҙа күрһәтте.

Еңеүселәрҙе бүләкләү тантанаһы Телеүҙәктең төп студияһында ойошторолдо. Балалар һәм студия етәкселәре юҡҡа ғына тулҡынланманы. Уларҙы ҡотларға Бөтә донъя башҡорттары ҡоролтайы Президиумы рәйесе, Дәүләт Йыйылышы – Ҡоролтай рәйесе урынбаҫары Эльвира Айытҡолова, Дәүләт Думаһы депутаты Зариф Байғусҡаров, Башҡортостан Республикаһының мәғариф министры урынбаҫары Әлфиә Ғәлиева, Башҡортостан юлдаш телевидениеһы, «Ҡурай» телеканалдары, «Юлдаш» радиоһы етәкселәре һәм билдәле алып барыусылар килде.

«Ябай ғына итеп үткәрергә йыйынғайныҡ, сағыу, күләмле һәм лайыҡлы килеп сыҡты: ҡыҙыл келәм, махсус тәрилкә, бүләктәр, танылыу яулаған ҡунаҡтар, йондоҙ, — ти «Тамыр» телеканалы директоры Гөлназ Ҡолһарина. — Шулай булырға тейеш ине. Еңеүсе балаларҙы тәбрикләнек бит. Балалар шул тиклем ҡыуанды. Беҙ, өлкәндәр, уларға шатлыҡ өләшеүебеҙ, үҙ көсөнә ышаныстарын арттырыуыбыҙ, ижадҡа ҡанат ҡуйыуыбыҙ өсөн шатландыҡ».

«Иң яҡшы социаль ролик», «Иң яҡшы сюжет», «Иң яҡшы скетч», «Иң яҡшы оператор», «Иң яҡшы хәбәрсе», «Иң яҡшы монтажер» номинацияларында еңеүселәр бүләкләнде.

Өсөнсө урын – Дүртөйлө ҡалаһы Назар Нәжми исемендәге Башҡорт гимназияһының «Өмөт-ТВ» студияһында.

Икенсе урынды Бәләбәй ҡалаһы Башҡорт гимназия-интернатының «Бал ҡорто» һәм Ишембай ҡалаһы Әхмәтзәки Вәлиди исемендәге 2-се Башҡорт гимназия-интернатының «ЙәйғорТВ» студиялары бүлеште.

Беренсе урынды Нияз Мәжитов исемендәге Красноусол башҡорт гимназия-интернатының «Нөктә ТV» телестудияһы яуланы.

«Тамыр селтәре» еңеүселәрен бүләкләү тантанаһын 1 июндә сәғәт 5-се 30 минутта Башҡортостан юлдаш телеканалында ҡарарға мөмкин.

1 из 9

https://www.bashinform.ru/news/1597746-v-ufe-nagradili-luchshie-komandy-seti-shkolnykh-telestudiy-teleset-tamyr/

#тамыр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.