Өфөлә «Каруанһарай» комплексының 175 йыллығына саралар планы раҫланды

ansar.ru

Ләйлә Аралбаева

Башҡортостан Республикаһы Хөкүмәте 2021 йылда «Каруанһарай» тарихи-архитектура комплексының 175 йыллығына әҙерләнеү һәм уны уҙғарыу буйынса саралар планын раҫланы.

Республиканың Мәғариф министрлығы «Каруанһарай» тарихи-архитектура комплексының 175 йыллығына арналған Төбәк-ара рәсемдәр конкурсын, дөйөм белем биреү ойошмаларында асыҡ дәрестәр һәм кластан тыш саралар, «Туған тел илселәре» акцияһы барышында интерактив дәрес үткәрә.

Башҡортостан Республикаһының Архив эштәре идаралығы, Милли архивы Ырымбур өлкәһенең Архив эштәре буйынса комитеты менән берлектә «Каруанһарай тарихы — архив документтарында» онлайн-күргәҙмәһен ойоштора.

Мәҙәниәт министрлығы һәм Милли музей «Каруанһарайға – 175 йыл» түңәрәк өҫтәлен, «Ырымбур башҡорттары» фестивален, тематик күргәҙмәләр, китап экспозицияларын уҙғара.

Баймаҡ районы Темәс ауылында «Каруанһарай хәтер һаҡлай...» тигән мәҙәни сара ойошторола.

Сентябрҙә Ырымбур ҡалаһында В.А. Перовский исемендәге паркта «Башҡортостан» киностудияһында төшөрөлгән кинофильмдар күрһәтелә, шулай уҡ «Ырымбур хәрби губернаторы В.А. Перовский — Каруанһарай тарихи-мәҙәни үҙәген төҙөү инициаторы» темаһына түңәрәк өҫтәл була.

Ырымбурҙа тарихи-архитектура комплексы 1837-1846 йылдарҙа ирекле иғәнәгә Башҡорт-мишәр ғәскәре командующийы канцелярияһы, Ырымбурға «үҙ йомошо һәм эш буйынса» килгән башҡорттар һәм мишәрҙәр өсөн ҡунаҡхана, башҡорттар өсөн оҫтахана һәм мәктәп өсөн төҙөлгән. Тарихи-архитектура комплексы Башҡорт халыҡ йортонан һәм мәсеттән тора.1917-1918 йылдарҙа Каруанһарайҙа республика хөкүмәте резиденцияһы һәм башҡорт ғәскәре урынлашҡан.

https://www.bashinform.ru/news/1578712-v-ufe-utverdili-plan-meropriyatiy-k-175-letiyu-kompleksa-karavan-saray/

#каруанһарай

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.