Өфөлә йәш әҙиптәр конкурсы башланды

«Башинформ» мәғлүмәт агентлығы

Өфөлә башҡорт телендә шиғырҙар, проза әҫәрҙәре яҙған йәш әҙиптәр өсөн «Йондоҙҙарҙай күреп, мин күҙҙәргә ҡарап барамын…» конкурсы башланды. Конкурсты ойоштороусылар – Мостай Кәрим исемендәге фонд һәм «Шоңҡар» журналы. Журналдың яңы, март һанында, положение һәм тәүге ҡатнашыусыларҙың эштәре баҫылған.

Мостай Кәрим исемендәге фонд директоры Әлфиә Кәримова һүҙҙәренсә, Фонд башҡорт телен һаҡлауға һәм үҫтереүгә үҙ өлөшөн индергән һәләтле йәштәргә һәр яҡлап ярҙам күрһәтә. Башҡорт дәүләт университетында Мостай Кәрим исемендәге Ижади оҫтахана – Башҡорт телен һәм әҙәбиәтен өйрәнеү үҙәге эшләй. Йыл һайын Башҡортостандың халыҡ шағиры Мостай Кәрим тамамлаған Башҡорт дәүләт университетының башҡорт филологияһы, шәрҡиәтте өйрәнеү һәм журналистика факультетының иң яҡшы студенттарына һәм аспиранттарына Фондтың стипендияһы бирелә, октябрҙә Мостай Кәрим исемендәге 158-се гимназияның яҡшы өлгәшкән уҡыусыларын ҡотлау ойошторола. Фонд менән берлектә балалар һәм үҫмерҙәр араһында «Аманат» журналының әҙәби конкурсы уҙҙы, Фонд шиғыр һөйләүселәр конкурсында ҡатнашыусыларҙы, төрлө мәктәп уҡыусыларын дәртләндерә, шул иҫәптән Екатеринбургта һәм Силәбе өлкәһендә.

«Шоңҡар» журналының баш мөхәррире, билдәле яҙыусы Айгиз Баймөхәмәтов әйтеүенсә, журнал социаль селтәрҙә йәштәр менән әүҙем эшләй, хеҙмәткәрҙәр республика райондары буйлап йыш командировкаға сыға, унда әҙәбиәттә тәүге аҙымдарын яһаған ижадсылар менән таныша.

«Ҡыҙғанысҡа ҡаршы, һәләтле уҡыусылар, өлкәндәр тормошона аяҡ баҫҡас, әҙәбиәт менән шөғөлләнергә теләмәй. Беҙҙең бурыс – башҡорт әҙәбиәтен үҫтереү, уларҙың үҙҙәренә ышанысын нығытыу һәм ижади офоҡтарын киңәйтеү. Әлфиә Мостай ҡыҙы һәм Фонд хеҙмәткәрҙәре менән бер әңгәмәлә «Йондоҙҙарҙай күреп, мин күҙҙәргә ҡарап барамын…» конкурсын үткәреү идеяһы тыуҙы ла инде. Декабрҙә, эштәргә йомғаҡ яһалғас, башҡорт әҙәбиәтен һөйөүселәргә йәш шағирҙарҙың һәм яҙыусыларҙың яңы исемдәре асылыр тип ышанабыҙ».

Конкурстың шарттары менән һылтанма буйынса танышырға мөмкин.

https://www.bashinform.ru/news/1577531-v-ufe-startoval-konkurs-dlya-molodykh-bashkirskikh-literatorov/

#әҙәбиәт #конкурс

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.