Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Мәҙәниәт
29 Март 2021, 11:44

Ғата Сөләймәнов исемендәге Республика Ҡурай байрамына ғаризалар ҡабул ителә

Ғата Сөләймәнов исемендәге Республика Ҡурай байрамына ғаризалар ҡабул ителә башланы. Быйыл ул 21-22 майҙа Октябрьский ҡалаһында 20-се тапҡыр ойошторола.
Унда үҙешмәкәр һәм профессиональ солистар, ҡурайсылар ансамблдәре ҡатнашырға мөмкин. Ҡатнашыусыларҙың башҡарыу оҫталағы өс йәш категорияһындла баһалана. 12 йәшкә тиклемгеләр һәм 12-16 йәшлектәр бер турҙа ярыша, ике музыкаль әҫәр – оҙон көй һәм ҡыҫҡа көй уйнай.
16 йәштән өлкән ҡурайсылар өсөн конкурс ике турҙа үткәрелә. Был йәш категорияһында һәүәҫкәр солистар үҙҙәренә оҡшаған дүрт әҫәрҙе башҡара. Ҡурай класы буйынса урта һәм юғары профессиональ белем тураһында дипломы булған профессионалдар оҙон көйҙө уйнап күрһәтергә тейеш, шул иҫәптән билет буйынса. Улар – 100 әҫәр, араларында «Ашҡаҙар», «Һандуғас», «Сибай», «Буранбай», «Томан» һәм башҡалар бар.
Ҡурайсылар ансамблдәре бер турҙа, ике йәш категорияһында ярыша.
Ғата Сөләймәнов исемендәге Республика Ҡурай байрамы 2000 йылдан уҙғарыла. Сара милли уйын ҡоралы ҡурайҙы пропагандалауға һәм популярлаштырыуға, башҡарыу традицияларын һаҡлауға һәм артабан үҫтереүгә, һәләтле башҡарыусыларҙы асыҡлауға йүнәлтелгән.
Ойоштороусылар – Башҡортостан Республикаһының Мәҙәниәт министрлығы, Республика халыҡ ижады үҙәге, Октябрьский ҡалаһы хакимиәте.
Ҡурай байрамында ҡатнашыу өсөн ғариазалар [email protected], [email protected] электрон адрестары буйынса 15 майға тиклем ҡабул ителә. Ойоштороу мәсьәләләре буйынса 450103, Өфө ҡалаһы, Зәйнәб Биишева урамы, 17/2, Республика халыҡ ижады үҙәге адресы буйынса мөрәжәғәт итергә. Телефон: 8 (347) 289-65-50, Әхмәтйәнова Эльвира Искәндәр ҡыҙы.
Байрам тураһында положениены Республика халыҡ ижады үҙәгенең рәсми сайтынан күсереп алырға мөмкин.
Автор:«Башинформ» мәғлүмәт агентлығы
Читайте нас: