Башҡортостанда 1922 йылғы аслыҡ тураһында тарихи фильм төшөрөлә башланы

Ләйлә Аралбаева

Башҡортостанда «Хәйбулла» тарихи триллеры өҫтөндә эш башланды. «Башинформ» агентлығына фильм авторҙары хәбәр итеүенсә, был драма-ғибрәтле хикәйә була. Йәй көнө башланған эш ҡышҡыһын да дауам итә.

Әле авторҙар өҫтәмә финанслау сығанаҡтарын эҙләй, һәр төрлө спонсор ярҙамын ҡабул итергә әҙер.

Фильм Баймаҡ районында булған хәл-ваҡиғаларға нигеҙләнгән.1922 йылғы аслыҡтан һуң республика халҡы миллионға тиерлек кәмегән. Халыҡтың 90% ашыуы аслыҡтан интеккән, күптәре үлгән. Һәләкәт иң юғары нөктәһенә еткәс, мәйет, кеше ашау башланған.

Хәйбулла ғаиләһен аслыҡтан ҡотҡарам тип, халҡы тамағын туйҙырыу өсөн барыһына ла әҙер булған күрше ауылға юғалған атын эҙләргә бара. Төп ролде – Хәйбулланы блогер һәм сәйәхәтсе Денис Өмөтбаев башҡара.

«Хәйбулла» фильмының режиссеры — Рөстәм Шәйхетдинов. Сценарист — Санкт-Петербург кино һәм телевидение институты магистры Даниил Рази. Оператор — «Ника-2020» премияһы эйәһе Айрат Йәмилев. Ҡуйыусы рәссам – Урал Мәхийәнов.

Бөгөнгә фильм төшөрөү өсөн урын табылған, актерҙар төркөмө раҫланған, ижади команда тупланған. 20-се быуаттың ҡот осҡос фажиғәһенә шаһит булғандарҙың тоҡомо һөйләүе буйынса тизер һәм «Ҙур аслыҡ» документаль фильмы әҙерләнгән.

Фильмдың проекты Бөтә Рәсәй дебютанттар питчингы барышында IV Башҡорт питчингы еңеүсеһе булды. Фильм Әмир Абдразаҡов исемендәге «Башҡортостан» киностудияһы булышлығында төшөрөлә.

https://www.bashinform.ru/news/1539695-v-bashkortostane-snimayut-istoricheskiy-triller-o-golode-1922-goda/

#кино

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.