Среда, 13 Мая 2026

Уфа

+11 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Мәҙәниәт

06:20 (UTC+5), 15 Декабря 2020

Өфөлә тантаналы рәүештә Башҡорт теле йылына йомғаҡ яһалды

Юлай Кәримов

«Башинформ» мәғлүмәт агентлығы

Өфөлә 14 декабрҙә, Башҡорт теле көнөндә, Бөтә донъя башҡорттары ҡоролтайы тәҡдиме менән республика Башлығы иғлан иткән Башҡорт теле йылына йомғаҡ яһалды. «Башҡортостан» дәүләт концерт залында йыл дауамында уҙғарылған тематик конкурс еңеүселәрен бүләкләү һәм концерт булды.

Республика Башлығы хакимиәте етәксеһе урынбаҫары Урал Килсенбаев барыһын да Башҡортостан Башлығы Радий Хәбиров исеменән ҡотлап, тамырҙарҙы, тарихты һәм туған телдәрҙе онотмаҫҡа саҡырҙы.

Еңеүселәрҙе Башҡортостан Республикаһы хөкүмәте вице-премьерҙары Азат Баҙранов, Ленара Иванова, Дәүләт Йыйылышы депутаты Зариф Байғусҡаров, мәҙәниәт министры Әминә Шафиҡова, «Башҡортостан Республикаһы» нәшриәт йортоноң генераль директоры Фәнүр Йәғәфәров һәм башҡа абруйлы ҡунаҡтар ҙа ҡотланы. Ҡайһы бер билдәле йәмәғәт эшмәкәрҙәре – яҙыусы, ғалим Рәшит Шәкүрҙең, элекке мәғариф министры Ғәлиә Мөхәмәтйәнованың, ғалим Мирас Иҙелбаевтың ҡотлауҙары ҙур экрандан яңғыраны.

«Быйыл тәүге тапҡыр район һәм төбәк ҡоролтайҙарының рейтингын төҙөнөк. Уларҙың башҡарған эштәрен йыл башында иғлан ителгән ай хэштегтары буйынса баһаланыҡ. Хәҙер быны йыл һайын уҙғарырбыҙ тип уйлайым. Хакимиәттәр менән берлектә баһалап, иң әүҙем өс районды, өс ҡаланы, шулай уҡ иң белемле өс ауылды, өс ҡаланы билдәләнек. Йыл да ике дәүләт телен ҡулланыуҙағы хаталар өсөн премиялар һәм антипремиялар тапшырырға хәл иттек», — тине «Башинформ»ға Дәүләт Йыйылышы – Ҡоролтай рәйесе урынбаҫары, Бөтә донъя башҡорттары ҡоролтайы президиумы рәйесе Эльвира Айытҡолова.

Билдәлелек яулаған йәш артистар «E7E-media» студияһында төшөрөлгән яңы йырҙарын һәм клиптарын күрһәтте. Тамашасылар алдында «Арғымаҡ» төркөмө, Зилиә Бәхтиева һәм DJ Дан, Алтынай Вәлитов, Заһир Зәйнетдин, Миләүшә Хәйбуллина сығыш яһаны. Программаны «Тамыр» студияһының йәш ҡатнашыусылары, «Йәшлек-шоу» Бөтә Рәсәй конкурсы финалсылары, «Һылыуҡай — Bashkirian Beauty» студияһының сибәр ҡыҙҙары биҙәне.

Мәғариф министрлығы иң яҡшы 10 дөйөм белем биреү мәктәбе директорҙарын бүләкләне. Мәҙәниәт министрлығы «Тамға» халыҡ-ара башҡорт милли кейеме оҫталары конкурсы еңеүселәрен тантаналы рәүештә ҡотланы. Шулай уҡ Башҡорт теле йылын әүҙем яҡтыртҡан журналистар, шул иҫәптән «Башинформ» агентлығы журналисы Ләйлә Аралбаева дипломдар менән билдәләнде.

Сара Башҡортостан юлдаш телеканалында тура эфирҙа күрһәтелде. Телевизор ҡараусылар ҙа һирәк ҡулланылған башҡорт һүҙҙәренең мәғәнәһенә яуап табып, программала ҡатнашыу мөмкинлегенә эйә булды.

https://www.bashinform.ru/news/1534578-v-ufe-torzhestvenno-podveli-itogi-goda-bashkirskogo-yazyka/

1 из 11

#башҡорт теле #башҡорт ҡоролтайы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.