80.86
0
Башҡортостан һәм Өфө яңылыҡтары
92.14
0
63.91
+1.07
11+ °C
Ямғыр
Бөтә яңылыҡтар
Мәҙәниәт
11 Декабрь 2020, 19:51
Башҡорт филармонияһы һәм телевидениеһы ветераны Салауат Итбаев арабыҙҙан китте
Өфөлә Башҡорт филармонияһы һәм телевидениеһы ветераны Салауат Мостафа улы Итбаев донъя ҡуйҙы. 18 июлдә ул үҙенең 75 йәшлек юбилейын билдәләгәйне.
Салауат Итбаев - Башҡортостандың атҡаҙанған артисы һәм атҡаҙанған сәнғәт эшмәкәре, танылған режиссер, сценарист, һөйләү жанры артисы.
БАССР-ҙың Ейәнсура районы Бикбау ауылында тыуған. 1973 йылда - Өфө сәнғәт институтын (Ғабдулла Ғиләжев курсы), 1992 йылда Мәскәүҙә Эстрада тамашалары режиссерҙарының квалификацияһын күтәреү институты ҡарамағындағы Юғары режиссерҙар оҫтаханаһын тамамлаған.
1973 йылдан — ВЛКСМ-дың 40 йыллығы исемендәге Мәҙәниәт һарайының эшсе-йәштәр театры етәксеһе, 1977-1992 йылдарҙа – эстрада артисы, конферансье, 1999 йылда – Башҡорт филармонияһы эстрадаһының художество етәксеһе, 1992-1999 йылдарҙа «Башҡортостан» дәүләт телерадиокомпанияһы режиссеры.
300-ҙән ашыу театр, концерт тамашалары, юбилей программалары, байрам саралары, хөкүмәт концерттары, Татарстанда, Төркиәлә, Мәскәүҙә уҙғарылған фестивалдәрҙең сценарий авторы һәм режиссеры. Заһир Исмәғилев, Назар Нәжми тураһында видеофильмдар, «Шәжәрә» тарихи телеочерктар циклы, «Ултырайыҡ әле бөгөн кис» телешоуы һәм башҡаларҙың режиссеры.
Өс ай элек кенә Сибайҙа уның улын, Сибай башҡорт драма театры актеры Марс Итбаевты һуңғы юлға оҙатҡайнылар.
«Башинформ» мәрхүмдең туғандарының һәм яҡындарының ауыр ҡайғыһын уртаҡлаша.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».