Сибай башҡорт драма театры актеры Арсен Шәйхисламов ваҡытһыҙ арабыҙҙан китте

«Башинформ» мәғлүмәт агентлығы

Башҡортостанда тағы бер йәш мәҙәниәт эшмәкәре – Арыҫлан Мөбәрәков исемендәге Сибай башҡорт драма театры актеры, Башҡортостан Республикаһының атҡаҙанған артисы Арсен Шәйхисламов ваҡытһыҙ арабыҙҙан китте. Уға 44 кенә йәш ине.

Сибай театрының әҙәби бүлегенән хәбәр итеүҙәренсә, уның үлеме коронавирус инфекцияһына бәйле түгел. Хушлашыу бөгөн, 10 декабрҙә, театрҙа, көндөҙгө сәғәт 12-лә була.

Шәйхисламов Арсен Фәйзулла улы 1976 йылдың 3 мартында Баймаҡ районы Татлыбай ауылында тыуған. 1997 йылда Өфө дәүләт сәнғәт институтын тамамлағас («Драма театры һәм кино актеры», уҡытыусылар – Ғабдулла Ғиләжев, Рәфил Нәбибуллин) Сибай драма театрына эшкә ебәрелә.

Тәүге көндәрҙән үк үҙен һәләтле актер итеп таныта. Ул тыуҙырған образдар бер ҡасан да тамашасыларҙы битараф ҡалдырманы. Һәр яңы роль менән үҙенең оҫталығын камиллаштырҙы, сағыу сәхнә оҫтаһына әүерелә барҙы. Ул тамашасыларҙың һөйөүен яулаған төрлө йөкмәткеле һәм характерлы тиҫтәләгән образдар тыуҙырҙы.

2001 йылда Тамара Ғәниеваның «Тамарис» спектакле «Туғанлыҡ» халыҡ-ара төрки телле театрҙар фестивалендә тамашасылар һөйөүе призы менән билдәләнде, төп ролде – Арыҫланды Арсен Шәйхисламов башҡарҙы.

Актер булып эшләүҙән тыш, Арсен Шәйхисламов «Ирәндек моңдары», «Голос», «Урал аръяғы-2020» Бөтә Рәсәй инвестиция һабантуйы, республиканың 100 йыллығына арналған тантана кеүек ҡала һәм республика кимәлендәге сараларҙы оҫта итеп алып барҙы.

Арсен Шәйхисламов театрҙың Художество советы ағзаһы булып торҙо. 2012 йылдан – театрҙың профсоюз комитеты рәйесе. Коллективта ҙур хөрмәт ҡаҙанды. 2019 йылда башҡорт театр сәнғәтен үҫтереүгә һәм пропагандалауға ҙур өлөш индергән, юғары башҡарыу оҫталығы өсөн «Башҡортостан Республикаһының атҡаҙанған артисы» тигән маҡтаулы исем бирелде.

«Башинформ» мәрхүмдең туғандарының һәм яҡындарының ауыр ҡайғыһын уртаҡлаша.

https://www.bashinform.ru/news/1532451-v-bashkirii-ushel-iz-zhizni-akter-sibayskogo-bashdramteatra-arsen-shaykhislamov/

#юғалтыуҙар #театр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.