81.14
-0.88
Башҡортостан һәм Өфө яңылыҡтары
92.22
-1.03
67.96
+2.11
22+ °C
Болотло
Бөтә яңылыҡтар
Мәҙәниәт
22 Октябрь 2020, 12:30
Өфөлә «Йыл ғаиләһе» фильмы төшөрөлә
А.Абдразаҡов исемендәге «Башҡортостан» киностудияһы
Өфөлә «Йыл ғаиләһе» фильмын төшөрөлә башланы. Фильмды А.Абдразаҡов исемендәге «Башҡортостан» киностудияһы булышлығында режиссер Айнур Асҡаров төшөрә. Тәүҙә ул танылыу яулаған «Өфөнән һөйөү менән» фильмының дауамы итеп билдәләнгәйне. Айнур Асҡаров «Башинформ» мәғлүмәт агентлығына ошо хаҡта ентекләп һөйләне.
— «Йыл ғаиләһе» — «Өфөнән һөйөү менән» фильмының мәғәнәүи дауамы ғына, ысынында иһә ул бөтөнләй икенсе картина, — тине Айнур Асҡаров. — Был ниндәйҙер параллель Донъя, бында ла «Өфөнән һөйөү менән» фильмы геройҙарын күрергә мөмкин.
«Йыл ғаиләһе» һары «Рафик»та еңеү һәм 5 миллион һум отоу өсөн «Йыл ғаиләһе» конкурсына китеп барған Рәхмәтуллиндар ғаиләһе тураһында бәйән итә. Был аҡса уларға ипотека бурысын ҡаплау өсөн кәрәк.
— Ошо бурыс менән улар бер-береһен яратыуы тураһында онотҡан. Тормошта иң мөһиме аҡса түгел, ҡайһы саҡта уның артынан ҡыуып, ғаиләбеҙ, яҡындарыбыҙ хаҡында онотоп китәбеҙ, һәм ошондай юл беҙҙе берләштерә. Кино тап шул хаҡта. Еңеү түгел, ә бергәләп ҡатнашыу мөһим, — тине режиссер.
Юлдағы хәл-ваҡиғаларҙы Әбйәлил районында төшөргәндәр, хәҙер был эш Өфөлә дауам итә. Фильмдың яртыһы төшөрөлгән дә инде, тағы яртыһын, өйҙәге күренештәрҙе төшөрөргә кәрәк. Бер аҙна буйына «Башҡортостан» дәүләт концерт залында эшләйҙәр. Ә бөгөн ижади төркөм Ағиҙел күперендә тығын кадрҙарын төшөрә. Бының өсөн көндөҙ Өфөгә ингән күперҙе биш сәғәткә яптылар.
Фильмды 2021 йылдың март-апрель айҙарында сығарыу планлаштырыла.
— Хәҙер уның ваҡытын әйтеүе ҡыйын, бөтә ерҙә лә вирус, изоляция, пандемия һәм башҡалар. Билдәләнгән ваҡытҡа фильм әҙер булыр тип ышанам, — тине Айнур Асҡаров.
Читайте нас:
Электрон почта
inf@bashinform.ru
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
ok@bashinform.ru
© 1992-2025 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».