Өфөлә танылған шағир, яҙыусы һәм журналист Рәсих Ханнанов донъя ҡуйҙы

Рәмил Килмәмәтов

«Башинформ» мәғлүмәт агентлығы

Бөгөн, 28 сентябрҙә, Өфөлә танылған шағир, яҙыусы һәм журналист Рәсих Ханнанов 89-сы йәшендә донъя ҡуйҙы.

Республиканың Яҙыусылар берекмәһенән хәбәр итеүҙәренсә, хушлашыу иртәгә, 29 сентябрҙә, ул йәшәгән йорт ихатаһында була. Адресы: Революция урамы, 66. Яҙыусының васыяты буйынса, уны Башҡортостандың Ҡырмыҫҡалы районында ерләйҙәр.

Рәсих Нурғәли улы Ханнанов 1931 йылдың 28 октябрендә Башҡортостандың Ҡырмыҫҡалы районы Ҡырмыҫҡалы ауылында тыуған. 1956-1958 йылдарҙа Стәрлетамаҡ мәҙәни-ағартыу училищеһында уҡый.

1957-1962 йылдарҙа Ҡырмыҫҡалы районы гәзите редакцияһында эшләй. 1962 йылда «Ҡыҙыл таң» республика гәзите редакцияһына әҙәби хеҙмәткәр итеп күсерелә.

1964-1969 йылдарҙа КПСС Үҙәк комитеты ҡарамағындағы Мәскәү юғары партия мәктәбендә журналистика факультетында уҡый. «Ҡыҙыл таң» республика гәзитенең баш мөхәррире булып эшләй. Әҙәбиәткә 50-се йылдарҙа килә. Проза, поэзия, публицистика жанрҙарында эшләй.

Уның «Йәшлек ҡанаттары» исемле тәүге китабына (1970) хеҙмәт геройҙары, авторҙың данлыҡлы яҡташтары тураһында очерктары тупланған. Рәсих Ханнанов яҡташы – генерал Шайморатовтың тормошо, хәрби юлы хаҡында документаль мәҡәләләр ҙә баҫтырып сығара. Билдәле композиторҙар уның шиғырҙарына бик күп лирик йырҙар ижад итте. Нәҫерҙәре лә тәрән лирика менән айырылып тора. «Көтөгөҙ мине, тирәктәрем!» повесында (1980) автор Бөйөк Ватан һуғышы осороноң ҡырыҫ ысынбарлығын, үҫмерҙәрҙең тормошон һәм рухи донъяһын һүрәтләй. «Ҡатынға бүләк» китабында (1985) яҙыусы һәм юморист Рәсих Ханнановтың әҙәби һәләтенең яңы яғы асылды.

Рәсих Ханнанов БАССР-ҙың һәм РСФСР-ҙың Юғары Советы Президиумы миҙалдары һәм Почет грамоталары менән билдәләнде. Ш.Хоҙайбирҙин һәм Ә.Атнабаев исемендәге премиялар лауреаты, Башҡортостан Республикаһының атҡаҙанған мәҙәниәт хеҙмәткәре. Былтыр республика Башлығы Радий Хәбиров уны Халыҡтар дуҫлығы ордены менән бүләкләне. Рәсих Ханнанов С.Юлаев һәм Ш.Хоҙайбирҙин исемендәге премияларҙы тапшырыу буйынса комиссия ағзаһы, «Мәслихәт» башҡорт-татар дуҫлығы йәмғиәтен ойоштороусыларҙың береһе булды.

https://www.bashinform.ru/news/1499520-v-ufe-skonchalsya-izvestnyy-poet-pisatel-i-zhurnalist-rasikh-khannanov-/

#юғалтыуҙар #әҙәбиәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.