Башҡортостанда терминология мәсьәләләре менән ғалимдар һәм киң мәғлүмәт саралары вәкилдәре шөғөлләнә башлай

«Башинформ» мәғлүмәт агентлығы

Башҡортостанда терминология мәсьәләләре менән республиканың билдәле ғалимдары, шулай уҡ киң мәғлүмәт саралары һәм йәмәғәт ойошмалары вәкилдәре шөғөлләнә башлай. Терминология хеҙмәтен йәнә филология фәндәре докторы, профессор Миңһылыу Усманова етәкләй.

Кисә Башҡортостан Республикаһы Башлығы хакимиәтендә ошо мәсьәлә тикшерелде. Башҡортостан Республикаһы хөкүмәте премьер-министры урынбаҫары Азат Баҙранов Башҡортостан хөкүмәте ҡарамағындағы «Башҡортостан Республикаһы халыҡтарының телдәре тураһында» законды тормошҡа ашырыу буйынса комиссияһы Терминология хеҙмәтенең яңыртылған составы менән осрашты.

Терминология хеҙмәте социаль селтәрҙә әүҙем эш алып бара. «Алтаҡта», «Дөрөҫ алтаҡта» чаттарында методик ярҙам күрһәтелә, унда тотош республиканан дөрөҫ яҙылмаған алтаҡталарҙың фотоһүрәттәре ебәрелә.

Ултырышта Терминология хеҙмәтенең артабанғы эш йүнәлештәре билдәләнде: терминологик һүҙлектәр, Башҡортостан Республикаһының Терминология хеҙмәте сайтын төҙөү, Башҡортостан Республикаһы Фәндәр академияһы ҡарамағында республика тәржемә үҙәген ойоштороу, башҡорт телен үҫтереү һәм һаҡлау буйынса республика ғилми-ғәмәли конференцияһын, Башҡортостан Республикаһы Башлығы ҡарамағындағы Башҡортостан дәүләт хеҙмәте һәм идара итеү академияһында муниципаль берәмектәр, ҡала округтары эргәһендәге комиссияларҙың яуаплы секретарҙары өсөн квалификацияны күтәреү курстарын уҙғарыу.

Фекер алышыуҙа Башҡортостан хөкүмәте ҡарамағындағы «Башҡортостан Республикаһы халыҡтарының телдәре тураһында» Башҡортостан Республикаһы законын тормошҡа ашырыу буйынса комиссияның яуаплы секретары Зөлфиә Ханнанова, Тарих, тел һәм әҙәбиәт институтының ғилми етәксеһе, филология фәндәре докторы Фирҙәүес Хисаметдинова, Башҡортостан Республикаһының Милли архивы директоры урынбаҫары Ниязбай Сәлимов, филология фәндәре докторы Луиза Сәмситова һәм башҡалар ҡатнашты.

Башҡортостан Республикаһы хөкүмәте ҡарамағындағы «Башҡортостан Республикаһы халыҡтарының телдәре тураһында» Башҡортостан Республикаһы законын тормошҡа ашырыу буйынса комиссия эргәһендә Топонимия хеҙмәте лә эшләй. Уның етәксеһе – Башҡорт дәүләт университетының физик география, тыуған яҡты өйрәнеү һәм туризм кафедраһы доценты, география фәндәре кандидаты Инбер Япаров.

https://www.bashinform.ru/news/1497438-voprosami-terminologii-v-bashkortostane-zaymutsya-vedushchie-uchenye-i-predstaviteli-smi-/

#фән #терминология

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.