93.29
+0.04
Башҡортостан һәм Өфө яңылыҡтары
99.56
+0.2
88.17
-0.28
17+ °C
Ямғыр
Бөтә яңылыҡтар
Мәҙәниәт
22 Сентябрь 2020, 17:29
Ҡурған өлкәһендә оҫталыҡ дәрестәрендә милли уйын ҡоралдарында уйнарға өйрәтәләр
Ҡурған өлкәһендә Башҡорт мәҙәниәт һәм мәғрифәте көндәре барышында оҫталыҡ дәрестәре ойошторолдо. Сара Башҡортостан Республикаһы башлығы грантына уҙғарыла.
Ҡумыҙҙа уйнау дәресенә тәүгеләрҙән булып Сафакүл ауылы Балалар сәнғәт мәктәбе уҡыусылары килде, тип хәбәр иттеләр Башҡорт ҡоролтайының матбуғат хеҙмәтенән. Ҡумыҙ сиртеү серҙәренә әле уларҙы донъя виртуозы Миңлеғәфүр Зәйнетдинов өйрәтә. Быйылғы уҡыу йылында сәнғәт мәктәбендә фольклор бүлеге асылған.
«Ҡумыҙсылар ансамблен ойоштороу эшен башланыҡ. Балалар дәрестәргә ҙур теләк менән йөрөй, уларға бик оҡшай», — ти Башҡортостан Республикаһының халыҡ артисы Миңлеғәфүр Зәйнетдинов.
Ҡурған өлкәһендә оҫталыҡ дәрестәре менән бер нисә майҙансыҡ асыу көтөлә. Сафакүлдә лә вокал һәм хореография буйынса оҫталыҡ дәрестәре булды. Ҡатнашыусыларҙы шулай уҡ танылған мәҙәниәт эшмәкәрҙәре менән осрашыуҙар көтә.
«Беҙгә Урал аръяғына Миңлеғәфүр Зәйнетдинов, Зилиә Бәхтиева, Азамат Кәримов килде. Башҡортостан Республикаһы менән мәҙәниәт өлкәһендә хеҙмәттәшлегебеҙ уңышлы дауам итә. Бөгөн Башҡортостандан коллегаларыбыҙ менән Сафакүл районы хакимиәте башлығы урынбаҫары Булат Мөжәһитов ҡатнашлығында эшлекле кәңәшмә уҙҙы», — ти Халыҡтар дуҫлығы йорто директоры Зинфира Закурдаева.
Йырсы, башҡорт халыҡ йырҙарын башҡарыусы Зилиә Бәхтиева Рәлиә Нурғәлина менән йырлау серҙәренә төшөндөрә, ҡыҙҙарҙы «Һылыуҡай» матурлыҡ конкурсына әҙерләй. Хореограф Азамат Кәримов оҫталыҡ дәрестәрендә ҡатнашыусыларҙы башҡорт бейеүҙәренең матурлығы менән таныштыра.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».