Лариса Абдуллина Халыҡ-ара Ғамзатов әҙәби фестивалендә ҡатнаша

Ләйлә Аралбаева

6-10 сентябрҙә Дағстан Республикаһының Махачкала ҡалаһында «Аҡ торна көндәре» ХХХIV Халыҡ-ара Ғамзатов әҙәби фестивале ойошторола. Фестиваль ЮНЕСКО эгидаһы аҫтында уҙғарыла.

Сарала шағирә, «Аҡбуҙат» балалар журналының баш мөхәррире Лариса Абдуллина ҡатнаша.

6 сентябрҙә Рәсүл Ғамзатов проспектында шағирҙың һәйкәле янында Ғамзатов уҡыуҙары уҙҙы. Уҡыусылар һәйкәлгә сәскәләр һалды һәм бөйөк шағирҙың шиғырҙарын уҡыны. Шул уҡ көндә «Креатив» клубы ағзалары башҡорт шағирәһе Лариса Абдуллина менән осрашты.

«Балалар Ғамзатовтың ижадын белә, әҙәбиәт менән ҡыҙыҡһына. Барыһы ла Рәсүл Ғамзатовтың шиғырҙарын рус телендә уҡыһа ла, улар араһында төрлө милләт вәкилдәре: аварҙар, ҡумыҡтар, дарғындар бар ине. Дағстан, Башҡортостан кеүек үк, күп милләтле республика, — тине Лариса Абдуллина «Башинформ» агентлығына. — Мин тыуған төйәгебеҙ, Уралыбыҙ, «Аҡбуҙат» журналы хаҡында һөйләнем, шиғырҙар уҡыным. Иң шәп шиғыр һөйләүселәрҙең береһе, икенсе класс уҡыусыһы Әминә Алигаджиеваға журналыбыҙҙы бүләк иттем. Балалар башҡорт телен ҡыҙыҡһынып тыңланы, ҡайһы берҙәре айырым төрки һүҙҙәрен аңланы».

Бөгөн Махачкаланың Рәсүл Ғамзатов исемендәге 50-се мәктәбендә «Аҡ торна көндәре» ХХХIV Халыҡ-ара Ғамзатов әҙәби фестивален рәсми асыу тантанаһы була.

1 из 4

https://www.bashinform.ru/news/1489761-larisa-abdullina-prinimaet-uchastie-v-mezhdunarodnom-gamzatovskom-literaturnom-festivale/

#әҙәбиәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.