Бөгөн Башҡортостанда Милли кейем көнөн билдәләйҙәр

Олег Яровиков

Ләйлә Аралбаева

Башҡортостанда республика халыҡтарының Милли кейеме көнө билдәләнә. Республика башлығы Радий Хәбировтың бойороғо буйынса, был көн йыл һайын апрелдең өсөнсө йомаһында һәм сентябрҙең икенсе йомаһында билдәләнергә тейеш. Эпидемиологик хәлгә бәйле байрамды онлайн форматында үткәрергә хәл ителде.

Бынан алда «Башинформ» Милли кейем көнө программаһын баҫтырып сығарҙы. Башҡорт дәүләт филармонияһы ла был байрамға бер нисә сара әҙерләне.

17 апрелдә филармония барыһын да үҙҙәренең милли костюмдарын кейергә һәм Башҡортостандың халыҡ артисы Артур Туҡтағолов ошо байрам өсөн махсус ижад иткән йыр менән рухланырға саҡыра.

«Беҙҙең менән бергә бейергә, йырыбыҙға бейеү төшөрөргә һәм уны 25 апрелгә тиклем #башҡортдәүләтфилармонияһыменәнбейейбеҙ хештегы менән социаль селтәрҙәге сәхифәләрегеҙгә һалырға тәҡдим итәбеҙ. Иң ҡыҙыҡлы видеороликтар 29 апрелдә Халыҡ-ара бейеү көнөнә ҡарата беҙҙең рәсми төркөмдәргә ҡуйыла. Иң күп лайк һәм комментарийҙар йыйған ролик авторын бүләк көтә», — тип хәбәр итте Башҡорт дәүләт филармонияһының матбуғат хеҙмәте.

Башҡортостан Республикаһының Ш.Бабич исемендәге республика йәштәр премияһы лауреаты Линар Дәүләтбаев етәкселегендәге Халыҡ уйын ҡоралдары милли оркестры байрам уңайынан көтөлмәгән бүләк әҙерләй.

Башҡортостандың атҡаҙанған артисы Рәмизә Мөхәмәтшина етәкселегендәге балет артистары тамашасыларҙы бейеү видеосәләмләүе менән ҡыуандырҙы.

Музыкаль-әҙәби лекторий (художество етәксеһе – Башҡортостандың халыҡ артисы Индира Әсәҙуллина) социаль селтәрҙәге сәхифәләрендә республика халыҡтарының милли кейемдәре тураһында видеоосрашыуҙар әҙерләне. Осрашыуҙарҙы музыка белгесе Алина Хәсәнова һәм солист Әлфиә Ғәлләмова үткәрә.

http://www.bashinform.ru/news/1440021-v-bashkortostane-otmechaetsya-den-natsionalnogo-kostyuma/

#милли кейем

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.