Башҡорт драма театры «Гөлбостан» премьераһына саҡыра

Роман Шумнов

IMPORT Сервисный

ӨФӨ, 2020 йыл, 17 ғинуар. /«Башинформ» мәғлүмәт агентлығы, Ләйлә Аралбаева/. 1 һәм 2 февралдә Дамир Йосоповтың сәхнә версияһында Ҡадир Даяндың «Таңсулпан» пьесаһы буйынса «Гөлбостан» спектакленең премьераһы була. Спектакль Фәйзи Ғәскәров исемендәге дәүләт академия халыҡ бейеүҙәре ансамбле сәхнәһендә күрһәтелә.

Спектаклде ҡуйыусы – театрҙың баш режиссеры, Башҡортостан Республикаһының атҡаҙанған сәнғәт эшмәкәре Айрат Абушахманов. Ижади төркөмдә шулай уҡ рәссам Альберт Нестеров, композитор Марат Фәйзуллин, хореограф Алина Мостаева, яҡтылыҡ рәссамы Илшат Саяхов, фольклор буйынса консультант Гөлгөнә Баймырҙина бар. Дамир Йосоповтың инсценировкаһы рус телендә яҙылған, башҡортсаға Динара Ҡәйүмова тәржемәләгән.

«Таңсулпан» пьесаһы 1941 йылда яҙылған. Унда XVIII быуат аҙағындағы ваҡиғалар бәйән ителә. Егет, кәләшенең ата-әсәһенә ҡалым түләргә хәленән килмәгәс, һөйгәнен бай ҡартҡа кейәүгә биреүҙәренә ризалаша.

«Дамир Йосоповтың һәм режиссер Айрат Абушахмановтың хәҙерге сәхнә версияһында ваҡиғалар әллә киләсәктә, әллә альтернатив ысынбарлыҡта бара: ябыҡ сәнәғәт комбинаты хужаларының боронғо ғөрөф-ғәҙәттәре һәм йолалары хеҙмәткәрҙәр өсөн устав ҡағиҙәләренә әүерелә, — тип хәбәр иттеләр театрҙың матбуғат хеҙмәтенән. — Был осраҡта ғашиҡ йәндәр Гөлбостан менән Айсыуаҡ кемдәр — ҡорбандармы әллә еңеүселәрме? Спектаклдә социаль ғәҙелһеҙлек темаларынан тыш, экология һәм тәбиғәттән файҙаланыу проблемалары күтәрелә».

Спектаклдә актерҙар Гөлназ Хайсарова, Азат Вәлитов, Олег Ханов, Сара Буранбаева, Илдар Ғүмәров, Әхәт Хөсәйенов, Ирек Булатов, Алһыу Бәхтиева, Илдар Сәйетов, Зиләрә Юлтаева, Илсур Байымов, Урал Әминев, Айҙар Шәмсетдинов ҡатнаша. Күмәк сәхнәләрҙә: Илгизә Ғилманова, Морат Рафиҡов, Алмаз Йосопов, Гөлнара Ҡаҙаҡбаева, Артур Кәбиров, Гөлмирә Исмәғилева, Лилиә Ғәлина, Руслан Ғәлимов.

http://www.bashinform.ru/news/1402624-bashdramteatr-priglashaet-na-premeru-gulbustan-v-interpretatsii-ayrata-abushakhmanova/

#башҡорт драма театры #премьера

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.