«Тамыр» телеканалының ишле ғаиләләр хаҡында проекты «Федерация» конкурсында еңеү яуланы

«Тамыр» телеканалы

IMPORT Сервисный

ӨФӨ, 2019 йыл, 2 декабрь. /«Башинформ» мәғлүмәт агентлығы, Ләйлә Аралбаева/. «Тамыр» телеканалының ишле ғаиләләр тураһында «Балалар күп булмай» исемле яңы проекты «Федерация» бишенсе телевизион конкурсында еңеүсе яуланы. Еңеүселәрҙе бүләкләү тантанаһы Мәскәүҙә уҙҙы.

«Балалар күп булмай» телетапшырыуҙар циклы күп балалы ата-әсәләргә һәм ошондай ғаиләләрҙә тәрбиәләнгән балаларға ихтирамлы мөнәсәбәт булдырыуға, йәмғиәттең күп балалыҡты хуплауына йүнәлтелгән. Һәр сығарылыш бер ғаиләгә бағышланған, — тип һөйләнеләр телекомпанияла. — Башҡорт телендә төшөрөлгән күп балалы Мөлөковтар хаҡында сығарылыштың еңеп сығыуы айырыуса ҡыуаныслы».

Ижади төркөм: сценарий авторы Гөлфиә Раянова, режиссер Әлиә Миназева, оператор Александр Лысенко, монтаж режиссеры Дамир Сәлимов беренсе миҙгелдә республиканың ишле ғаиләләре тураһында 10 тапшырыу төшөрә. Алып барыусы – йәш хәбәрсе Рөстәм Төхбәтов һәр ғаиләнең тормошо менән таныштыра. Һәр береһенә үҙенсәлекле бүләк – фотоальбом әҙерләнә. Был эштә профессиональ фотограф Рөстәм Мөғәллимов та ҡатнаша.

Проект Матбуғат һәм киң коммуникациялар буйынса федераль агентлыҡ субсидияһы буйынса төшөрөлә. Уны 20 декабрҙә «Родина» кинотеатрында геройҙар — Башҡортостандың төрлө мөйөштәренән килгән ғаиләләр менән бергә ҡарарға мөмкин. Шулай уҡ Рөстәм Мөғәллимовтың «Балалар күп булмай» фотокүргәҙмәһе ойошторола.

«Тамыр» балалар һәм үҫмерҙәр телеканалы конкурста йыл һайын ҡатнаша. Телеканалдың эштәре бер ҡасан да конкурсты ойоштороусыларҙың иғтибарынан ситтә ҡалмай һәм төрлө номинацияларҙа призлы урындар яулай. 2016 йылда «Тамыр» телеканалы «Ҡымыҙ юлы» тапшырыуы өсөн «Төбәк бренды» номинацияһында махсус бүләккә лайыҡ булды. 2018 йылда «ЭTHOLIKE» эше «Минең илем» конкурс программаһында «Ата-бабалар теле» номинацияһында беренсе урынды алды. 2019 йыл да телеканал өсөн уңышлы булды. «Балалар күп булмай» эше «Минең илем» конкурс программаһында «Ата-бабалар теле» номинацияһында беренсе урынды яуланы.

«Федерация» телевизион конкурсы 2015 йылдан алып йыл һайын уҙғарыла.

http://www.bashinform.ru/news/1385875-proekt-telekanala-tamyr-o-mnogodetnykh-semyakh-pobedil-na-konkurse-federatsiya/

1 из 2

#конкурстар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.