91.69
-0.36
Башҡортостан һәм Өфө яңылыҡтары
98.56
-0.08
82.82
-0.85
1+ °C
Болотло
Бөтә яңылыҡтар
Мәҙәниәт
26 Ноябрь 2019, 09:01
Өфөлә «Шағир көндәлеге» нәфис фильмын төшөрә башланылар
«Йәнле таҫма» кинокомпанияһы
ӨФӨ, 2019 йыл, 26 ноябрь. /«Башинформ» мәғлүмәт агентлығы, Ләйлә Аралбаева/. Өфөлә «Шағир көндәлеге» нәфис фильмын төшөрә башланылар. Был «Беренсе республика» трилогияһының өсөнсө фильмы була.
Хәтерегеҙгә төшөрәбеҙ, Өфө режиссеры Булат Йососпов республиканың күренекле мәҙәниәт эшмәкәрҙәренә арналған картиналар серияһын дауам итә. Оҫтаның яңы эше сағыу ғүмер кисергән һәм туған телендә ижад итеү хоҡуғын яҡлаған өсөн эҙәрлекләүгә дусар булған Башҡортостандың халыҡ шағиры Рәми Ғариповҡа бағышланған.
Фильмда шағирҙың 1941 йылдан алып 1977 йылға тиклемге тормош һәм ижад юлы сағылдырыла. Уны шағирҙың йөрөгән урындарҙа — Өфөлә, Салауат районында, Мәскәүҙә, Түбәнге Новгородта, Үзбәкстанда төшөрөү күҙаллана. Рәми Ғарипов ролен Мәжит Ғафури исемендәге Башҡорт драма театры актеры Артур Ҡунаҡбаев башҡара. Фильмды Мәскәү операторы Станислав Амбарцумов төшөрә.
Йола буйынса, кисә ижади төркөм фильмдың исеме һәм процеста ҡатнашҡан һәр кемдең автографы яҙылған тәрилкәне ватты — был проектҡа старт бирелгән саҡта мөһим мәл тип һанала.
Фильмдың бюджеты 23,3 миллион һум булыр тип көтөлә. 20 сентябрҙә төшөрөү өсөн халыҡтан аҡса йыйыу иғлан ителде. Рәми Ғарипов исемендәге 1-се башҡорт республика гимназия-интернатының юбилейында 43 мең һумдан ашыу йыйылды. Дөйөм сумма — 150 мең һумдан ашыуыраҡ, тип хәбәр итте фильмдың продюсеры Леонид Филинов.
Ижади төркөм: сценаристар — Таңсулпан Бабичева, Гөлсәсәк Саламатова, ҡуйыусы рәссамдар — Рөстәм Баймөхәмәтов, Әлиә Байрамғолова, продюсерҙар — Леонид Филинов, Юнир Әминев, Гөлсәсәк Саламатова.
Премьера 2020 йылдың октябренә билдәләнгән. Проект тураһында бөтә яңылыҡтар #РәмиКөндәлеге хештегы менән һалына.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».