Elvin Grey Мәскәүҙә йәшәгән яҡташтары менән осрашты

Башҡортостандың Рәсәй Президенты ҡарамағындағы Тулы хоҡуҡлы вәкиллеге

IMPORT Сервисный

ӨФӨ, 2019 йыл, 26 ноябрь. /«Башинформ» мәғлүмәт агентлығы/. Радик Юлъяҡшин Башҡортостандың Тулы хоҡуҡлы вәкиллегендә Мәскәүҙә йәшәгән яҡташтары менән осрашты. Башҡорт, татар һәм Рәсәй эстрадаһының танылған артисы Elvin Grey псевдонимы менән сығыш яһай.

Радик республиканың Тулы хоҡуҡлы вәкиллегенә килергә шунда уҡ ризалыҡ бирҙе. Ләкин Башҡортостандың атҡаҙанған артисы менән ижади осрашыуға теркәүҙе анонстан һуң ике сәғәт үткәс тә ябырға тура килде, сөнки зал 200-ҙән ашыу ҡунаҡты һыйҙыра алмаҫ ине, тип хәбәр иттеләр ведомствоның матбуғат хеҙмәтенән.

Күренекле яҡташтар менән Мәскәүҙә ошондай осрашыуҙар үткәреү – асыҡ диалогтың яңы форматы, бында тыйылған темалар һәм сикләүҙәр юҡ. Сараға өлкәндәр ҙә, балалар ҙа йыйылды. Йәш тамашасы Тимур Сакаев Радиктан: «Ни өсөн «Илама» йырының клибына күңелһеҙ сюжет һайланған, әсә үҙ балаһынан баш тарта?», - тип һораны.

«Үҫеп еткәс аңларһың, тормошта ата-әсәһеҙ үҫкән балалар ҙа бар. Улай булырға тейеш түгел. Клип фәһем бирһен теләнем, тәү сиратта йәштәргә. Беҙ ҙә берәй ваҡыт атай-әсәй булырбыҙ... Мин 11 йәшемдә атайһыҙ ҡалдым. Унан алып ҡалған төп һабаҡ – үҙеңә, үҙ көсөңә ышаныу. Йәштән үк ул бөтәһенә лә: «Улым Радик ҙур артист булыр», — тип әйтә торғайны. Ул миңә ышанды, мин тырыштым, һәм был тормошҡа ашты», — тип яуапланы Радик.

Йырсы һүҙҙәренсә, йондоҙло сәғәте һуғыр алдынан уға үҙе һәм музыкаһы өҫтөндә оҙаҡ эшләргә тура килгән. Радик Юлъяҡшин ысын артист булыу өсөн Рәсәйҙең баш ҡалаһына юлланыуы хаҡында һөйләне: «Бында, Мәскәүҙә, мин икенсе йыл, үҙемдең Elvin Grey лейблы барлыҡҡа килде, хәҙер унда етенән ашыу артист». Уның башҡорт һәм татар телдәрендәге йырҙарҙы популярлаштырыу теләге ҙур. Әле йырсының 29 февралдә Мәскәүҙең Крокус Сити Хол залында үтәсәк концертына әҙерлек бара.

Радик Юлъяҡшин Мәскәүҙәге Башҡортостан студенттары һәм аспиранттары ассоциацияһы әүҙемселәренең башланғыстарына ярҙам итеп тора. Шолохов педагогия университетында уҡыған сағында уҡ йәштәрҙең ижади тормошонда ҡатнаша, башҡорт кисәләрендә сығыш яһай, ләкин рәсми рәүештә Ассоциация әүҙемселәре сафында булмай. Ассоциация рәйесе Азат Ҡаҙаҡбаев осрашыуҙа был яңылышлыҡты төҙәтә һалды – ул артисты йәштәр активына ҡабул итте һәм клубтың эмблемаһы төшөрөлгән свитшот тапшырҙы.

«Мәскәүҙә беҙ, башҡорттар, шул тиклем күмәк икәнбеҙ тип уйламағайным, һәм республиканың Тулы хоҡуҡлы вәкилллегенә килеп, үҙемде өйҙә, Башҡортостанда тип хис итә алыуыма бик шатмын. Республикабыҙҙа тыуып үҫкән лайыҡлы кешеләр күп, бындай осрашыуҙарҙы дауам итергә кәрәк. Мин дә ҙур теләк менән уңышҡа ирешкән яҡташтарыбыҙҙы тыңларға килер инем. Беҙ бергә булғанда, беҙ көслө!», — тине артист.

Ошо осрашыу тураһында иҫтәлек булһын тип Радикка Башҡортостан башлығы Радий Хәбировтан бүләк тапшырылды. Картинала йырсының тауышы төшөрөлгән. Үҙенсәлекле музыкаль бүләктә йырсының тәүге йырҙарының береһе йәшерелгән. Ул уны һирәк башҡара, ләкин, Радик үҙе әйтеүенсә, «Ашҡына ғүмер» йыры мәүге уның йөрәгендә.

1 из 6

http://www.bashinform.ru/news/1383058-elvin-grey-vstretilsya-s-prozhivayushchimi-v-moskve-zemlyakami/

#күренекле яҡташтар #мәскәү башҡорттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.