Милена Вәхитова Азияның һәм Себерҙең иң сибәр, һәләтле ҡыҙҙарының береһе тип танылды

ӨФӨ, 2019 йыл, 19 ноябрь. /«Башинформ» мәғлүмәт агентлығы/. Красноярскиҙа XIII «Азия-Себер» милләт-ара матурлыҡ һәм талант конкурсы уҙҙы. Быйыл финалда 10 милли мәҙәниәтте күрһәткән 12 һылыуҡай ҡатнашты.

Башҡортостан Республикаһы исеменән конкурста Өфө дәүләт нефть техник университеты студенты Милена Вәхитова сығыш яһаны. Ул Азияның һәм Себерҙең иң сибәр һәм һәләтле 5 ҡыҙы иҫәбенә инде.

«Быйыл конкурста Себерҙең төп халыҡтары ғына ҡатнашманы, – тип һөйләне Милена Вәхитова. – Ҡыҙҙар эвенки, хакас, тажик, азербайжан, монгол, татар, сыуаш, ҡаҙаҡ, бүрәт, яҡут, тыва мәҙәниәте менән таныштырҙы. Репетициялар аҙна буйына барҙы».

Конкурс барышында ҡыҙҙар үҙҙәренең талантынан тыш, тамашасыларға хикәйәттәр һәм легендалар, милли кейемдәр аша туған халҡының мәҙәниәтен дә күрһәтте. Улар «Визитка. Милли кейем», «Милли талант», «Ҡатын-ҡыҙҙың барлыҡҡа килеүе тураһында кинәйәле хикәйә», «Ҡатын-ҡыҙ – үҙ халҡының хазинаһы» этаптарында һылыулыҡ һәм һәләтлелек буйынса ярышырға тейеш ине.

«Ижади милли сығышта мин тамашасыларға яугир ҡыҙ бейеүен бейеп күрһәттем. Артабанғы этапта уларҙы «Урал батыр» эпосы, атап әйткәндә, Һомай исемле мифологик образ һәм уның легендалағы әһәмиәтле роле менән таныштырҙым. Конкурста республикабыҙҙа ныҡ баһаланған аҫыш таш образында сыҡтым, мин нефрит ташын һайланым», – тине ҡыҙ.

Жюри конкурста ҡатнашыусыларҙы халҡыңдың мәҙәниәтен, йолаларын һәм тарихын белеү, туған телдә аралашыу, сәхнә мәҙәниәтен һәм йыр-бейеүгә маһирлыҡ кеүек критерийҙар буйынса баһаланы.

1 из 6

http://www.bashinform.ru/news/1380392-milena-vakhitova-priznana-odnoy-iz-samykh-krasivykh-i-talantlivykh-devushek-azii-i-sibiri/

#сибәрлек конкурсы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.